Popular Bible Verses from Luke 12

Share

အယ်းအတောင်းပဲ နန်တွို့ဟော်လယ်း အမှားအဆန်သင့် ဖှဂ်နေကျော့ပေါ်။ စော်ကျွောင့်လောဟန် လူဆောတိုဖှဂ်ရယ့်ငေါ်ဟော် နန်တွို့ မထန်မတ်ထောရယ့်အခှိင်မောင် ပှန်ကျို့လော်မောင်ဖှဂ်ရယ်” လွို့မိင့်တိုမူလေရယ်။

အယ်းအစော ဖရောဆန်ယယ့် ဆော်ဆနော်တိုအတွကွိုပယ်း ဦးစောပေးလုတ်ဆွောင်ကျော့ပေါ်။ အယ်းလွိုလုတ်ယန် နန်တွို့လွိုအောဂ်ရယ့် အယော်မင်သမျော့ကွို ဖရောဆန်ခေါ့ အလုန်အလွောဂ်ဖှယ့်ဆည်းပေးတိုမူပေါ်လောဂ်မယ်” လွို့မိင့်တိုမူလေရယ်။

အယ်းနွောဂ်မောင် ကွိုယ်တော်ခေါ့ လူထုပရိတ်ဆတ်တွို့ကွို “ကော်တရောလိုးဖော့ကျွီးခှန်း အမျွိုးမျွိုးတွို့ခေါ့နေ ရွှောင်ကျော့ပေါ်။ စော်ကျွောင့်လောဟန်ကော နန်တွို့ပေါင်ဆောင်ရယ့်စည်းစိင်မျောဟော် နန်တွို့ယယ့်အဆဂ်ကွို လုန်ချုန်စိခှော့ယော့မု ပေးနောင်ခှန်းမဆိရယ့်အတွကျွောင့်ပယ်း ဖှဂ်ရယ်” လွို့ မိင့်တိုမူရယ်။

စော်ကျွောင့်လောဟန်ကော နန်တွို့ပစ္စည်းဥစ္စော်မျောဆိရယ့်နေယော်မောင် နန်တွို့ယယ့်စိနလုန်းဟော်လယ်း ယွောဂ်နေတတ်ရယ့်အတွကျွောင့်ဖှဂ်ရယ်” လွို့ မိင့်တိုမူရယ်။

နန်တွို့ထားမောင် စော်လူဟော် စိပူပန်မုရယ်နောင့် ကွိုယ့်ယယ့်အဆဂ်ကွို တနော်ရီတအွောင် ပွိုပွီးချယ်စေနောင်လော။

အယ်းနွောဂ်မောင် ကွိုယ်တော်ယေရှုခေါ့ ဆပယ့်တိုတွို့ကွို “အယ်းယော်ကျွောင့် နန်တွို့ကွို ငေါ်ဟိုးခှန်တော်ကော့ နန်တွို့အဆဂ်ချန်နေထောင်ဖွို့အတွ လွိုအောဂ်ရယ့်အယော်မျောကွို စိမပူကျော့နောင့်။ နန်တွို့မောင် စောစရော် အလုန်အလွောဂ်မဆိမောင်ကွိုယော၊ ဝဂ်စရော်အလုန်အလွောဂ်မဆိမောင်ကွိုယော စိမပူကျော့နောင့်။

ဖရောဆန်အတွ နန်တွို့ဟော် ငစိင်စော်မျောထဂ် အဖွိုးတန်ပေါ်ပေရယ်။ နန့်တွို့ယယ့်ခွေါင်းပိုခေါ့ ဆပန်အယေအတွကွိုတအွောင် ဆိဆတိုမူရယ့်အတွ နန်တွို့စိမပူကျော့နောင့်” လွို့ မိင့်တိုမူရယ်။

တဖန် ကွိုယ်တော်ခေါ့ “သိုးငါအုတ်စုနောင့်တူကျော့ရယ့် ငေါ့ယယ့်ဆပည့်တိုတွို့ ငေါ်ဟော် နန်တွို့ယယ့် သိုးထိင်းနောင့်တူရယ်။ အယ်းယော်ကျွောင့် နန်တွို့ မကျွောဂ်ကျော့နောင့်။ ဆွယ်မွှို့တိုမောင်ဆိရယ့် နန်တွို့ယယ့်ဖော့ဖရောဆန်ဟော် ဆွယ်မွှို့တိုမောင်နန်တွို့နောင့်အတူ အုတ်စွိုးစေခှန်းကွို အလွိုဆိတိုမူရယ်။

ကျားအာ့မျောကွို လေ့လော်ကျေ့ပေါ်။ ဆူတွို့ဟော် မျွိုးစယ့်မျောကွိုလယ်း မစောဂ်‌ပျွိုး အဆီးအနောင်မျောကွိုလယ်း မယွိဆိင်းကျော့‌ယော့ပေါ်။ အဆီးအနောင် သိုလွောင်ဖွို့စပေါကှီလယ်းမဆိ‌ပေါ်။ ဟော်ပေမယ့် ဖရောဆန်ဟော် ဆူတွို့ကွို ကျွယ်းမွီးထောတိုမူရယ်။ နန်တွို့ဟော် ငရယ်ထဂ် အမျောကျွီး ပွိုတန်ဖွိုးဆိရယ်။

စော်ကွိုစောဆွောဂ်ယော့မလော ဆွိုတော်ကွို စိပူပန်မနေကျော့နောင့်။

အို ယုန်ကျည်ချဂ်နည်းပနန်းရယ့်လူရယ်၊ ဆူတွို့ဟော် အခှိင်တွိုကော်လော့တခုမောင်ပယ်း အဆတ်ချန်ကျော့ပွီး မကျော်မီအခှိင်အတွမ်းမောင် မျဂ်ပန်မျောနောင့်အတူ မီးဖွိုထားကွို ခဂ်ခှော့ခေါင်ယော့ပွီး တိုးရောင်းပန်းရယ်ကွိုတအွောင် ဖရောဆန်ဟော် အခှော့ဆန်ပေးယန် နန်တွို့ကွို ပွိုပွီး အခှော့ဆန်ပေးမောင် အဆေအချော်ပယ်းဖှဂ်ရယ်။

ဖုန်းကွာထောသမျောတွို့ဟော် ပိုလော်လောဂ်မောင်ဖှဂ်ပွီး ကွာဝထောသမျော့အယော်တွို့ဟော်လယ်း ဆိဆလော်ယော့လောဂ်မောင်ဖှဂ်ရယ်။