Popular Bible Verses from Luke 11

Share

အယ်းယော်ကျွောင့် နန်တွို့ဟော် မကွောင်းရယ့်ဆူဖှဂ်နေတအွောင် နန်တွို့ယယ့် ဆောဆမီးရယ်အတွ ကွောင်းရယ့်အယော်မျောကွိုပယ်း ပေးတတ်ရယ့်ဟန် နိဗ္ဗာန်မောင်ဆိရယ့် ဖော့ဖရောဆန်ဟော်လယ်း ဆူ့နောင်းခေါ့ တွောင်းရွှောဂ်ရယ့်ဆူ စူကွိုမဆွို ကွောင်းရယ့်အယော်မျောကွို ပေးမောင်ဖှဂ်ရယ့်အပှန် ညင်အလန်းတိုကွိုလယ်း အဆေအချော်ပေးတိုမူလောဂ်မောင်ဖှဂ်ရယ်” လွို့ မိင့်တိုမူရယ်။

အယ်းယော်ကျွောင့် နန်တွို့ကွို ငေါ်ဟိုးခှန်တော်ခေါ့ တွောင်းခေါင်ကျော့ပေါ်၊ ယော့ကျော့လောဂ်မယ်။ ချော်ဖွယ်ကျော့ပေါ်၊ တွိဆိကျော့လောဂ်မယ်။ တခေါကွိုခွေါဂ်ပေါ်၊ ဖွမ့်ပေးပေါ်လောဂ်မယ်။

တွောင်းရယ့်ဆူတောင်း ယော့ကျော့လောဂ်မယ်။ ချော်ရယ့်ဆူတောင်း တွိကျော့လောဂ်မယ်။ တခေါကွို ခွေါဂ်ရယ့်ဆူတောင်းကွိုလယ်း ဖွမ့်ပေးပေါ်လောဂ်မယ်။

အယ်းအခေါ် ကွိုတော်ခေါ့ ဆူတွို့ကိုယ် “နန်တွို့ဆုတွောင်းကျော့ရယ့်အခေါ် ‘ဆွယ်မွှို့တိုမောင် ဆိတိုမူရယ့်ဖော့ဖရော၊ အဖော့ဖရောဆန်ယယ့်နောင်မယ်ကွို ရွိုဆေလေးမှဂ်ခှန်းခေါင်ယော့ပေါ်စေသော်။ ဆော်ဆနော်တိုလယ်းပိုထွမ်းပေါ်စေသော်။

ငေါ်တွို့အပို အပှဂ်ဒုစရောဂ်ကျူးလွမ်ဆူအပွေါင်းတွို့ကွို ငေါ်တွို့ ခွမ့်ခွှဂ်ပေးသလွိုမျွိုး ငေါ်တွို့ယယ့် အပှဂ်ဒုစရောဂ်ရယ်ကွိုလယ်း ခွမ့်ခွှဂ်ပေးတိုမူပေါ်။ ငေါ်တွို့ အပှဂ်ဒုစရောဂ်ကျူးလွမ်မိစေဖွို့ မကွောင်းရယ့်အယော်ရယ်ကွို လုတ်ဖွို့ ခှယ့်စောရယ့်အယော်ရယ်ခေါ့နေ ကော်ကွာပေးတိုမူပေါ်’ လွို့ ဆုတွောင်းကျော့ပေါ်” ဆွိုပွီး မိင့်တိုမူရယ်။

ငေါ်တွို့အတွ လွိုအောဂ်ရယ့် အစော်အဟော်ရော့မျောကွို နေ့ရတ်တောင်း ပေးဆနောတိုမူပေါ်။

နန့်ယယ့်မျဂ်လုန်းမျောဟော် နန့်တကွိုယ်ယယ့်မီးအိင်နောင့်တူရယ်။ စော်ကျွောင့်လောဟန်ကော နန်တွို့ယယ့်မျဂ်လုန်းမျောဟော် အယော်ဝဂ်ထုမျောကွို မျိုနောင်ပေရယ်။ တကာလွို့ နန်တွို့ယယ့်မျဂ်လုန်းမျောဟော် ကွောင်းနေဟန်ကော နန်တွို့ဟော် အယော်အောလုန်းကွို ကွောင်းကွောင်းမျိုယော့လောဂ်မောင်ဖှဂ်ရယ်။ နန်တွို့ယယ့်မျဂ်လုန်းမျောဟော် မကွောင်းဟန်ကော နန်တွို့ဟော် စော်အယော်ကွိုမောင့် မျိုနောင်ကျော့မောင်မဟွိပယ်း အမွောင်ထုအတွမ်းမောင်ယွောဂ်နေသလွိုမျွိုး ဖှဂ်နေကျော့လောဂ်မယ်။

တဖန် ကွိုယ်တော်ခေါ့ “ဆီမီထွမ်းထောရယ့် မီးအိင်ကွို အွောင်းထောရယ့်၊ အယ်းလွိုမောင့်မဟွိ တွောင်းအွောဂ်မောင် ဆွိုထောရယ့်ဆူဆွိုတော်မဆိ။ အယ်းအစော အိင်ထားကွို ဝမ်လော်ရယ့်လူရယ် အလန်းယွောင်ယော့စေဖွို့ မီးအိင်ကွို မီးတောင်မောင်ပယ်း ခှိဆွားထောတတ်ကျော့ရယ်။