Popular Bible Verses from Jean 16

Share

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Aman nengaʼa, Mèzhèɓ nzuraʼa nda shkè ma, a ngreda kinè ma nzuraʼa tèlèba. Aman nengaʼa a gèɗè ma te gèɗ na azɓai. Aman ma man a tsenaʼa, a gèɗèʼa; a ngreda kinè skwi man a di a shkè.

Ha nshkè na ma a mpatsna, kin dzhaɗa skwi a nzlembaɗ ga ɓai. Vo-dzhoɗo, a kin ngècèʼa, a mwuffè kinè a gi jèlèlèʼa.

Aman i gaɗa kinè skwi nzuraʼa a vava: Dara man i dè ga! Man i dè ga azɓai, ar nengaʼa man a nzaka kinè a deɓa a shkè a sam kinè azɓai. Aman i dè, i da zlindkoɗi a sam kinè. A nengaʼa a shkè, a ngreda ta mali ta a ndohi herkeda, a ngi-zuraʼa, a kita.

Kinè ba, antanta kin lèyè te ndav kinè. Aman nga da ngècè va zaʼa, a ndav kinè a da wuffè, ndo ngiɗè a da cè mwuffè auda te ndav kinè azɓai. A pats nasa kin da jhèɗè ma ngiɗè a sam ga azɓai. A vava, a vava, i gaɗa kinè: Skwi ko mèmè kin jhèɗè te ri Bab ga, a da va kinè a nzlembaɗ ga.

A vava, a vava, i gaɗa kinè, kin da kuɗai, kin da gi wobau. Aman ndohi herkeda ta da wuffè. Kin da lèyè; aman nlèyè kinè a da ngwèdè na a mwuffè.