Popular Bible Verses from Jean 15

Share

Iyè, wof barassa, kinè ri wof ga. Ndo man a nzi te iyè, a i te nengaʼa, ara wof man a yi wuda kumba. Aman kinè dra a sam ga, kin slaha a kin gi skwi ɓai.

Lèmèlèmè ara ri wof a slaha a nyi wuda a ri na azɓai, sèi man na godozlom wof, lèmèlèmè kinè ba, sèi kin nzi te iyè.

Aman kin nzi te iyè, a ma ga a nzi a sam kinè, skwi ko mèmè kin jhèɗèʼa, a gi a sam kinè.

Kinè nʼngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèɗè te ri Bab ga a nzlembaɗ ga, a da va kinè.

Sèi ndo man a vi nshèffè na a géɗ mandalahi na, ndo ngiɗè a fena mwoy-ndo nengaʼa azɓai.

Ri wof ga staɗ staɗ tèlèba man a yi wuda azɓai, a ngeldaussa. Staɗ staɗ tèlèba man a yi wuda, a sliɗèʼa, aman a yi wuda holholaʼa.

Na haha ma nkwèr man i va kinè: Va-woy va kinè, ngiɗè da woy ngiɗè, ngiɗè da woy ngiɗè a ndav na, lèmèlèmè ara man i woy kinè a ndav ga.

Gar haha nʼnjèl Bab ga, aman nyi nshèffè kinè a zhè kumba, a kin ndi a golahi ga.

Iyè, wof barassa nzuraʼa. Bab ga, ndo mɓer wof barassa.

Aman ndo a nzi te iyè ka ɓai, ta kaldaussa ara ri wof, a gwèr na, a ta ɓiceda vogwa, a vogwa a nʼndeda ma.

Ma haha i gaɗa kinè, aman mwuffè ga a zhè a sam kinè, a mwuffè kinè a gi jèlèlèʼa.

Aman kin fi gèɗ a ma nkwèr ga, kin nzi te mwoy-ndo ga, lèmèlèmè ara man i fi gèɗ a ma nkwèr Bab ga, a i nzi te mwoy-ndo nengaʼa.

Ma nkwèr haha i va kinè: va-woy va kine, ngiɗè da woy ngiɗè, ngiɗè da woy ngiɗè a ndav na.

Man kinè a herkeda, ar ndohi herkeda ta woy skwi ta. Aman kinè a herkeda ka bai. I par kinè auda te va ndohi herkeda. Gar haha ndohi herkeda ta gi shèwa a kinè.