Popular Bible Verses from YOHANI 16

Share

Sisisi syo mbabulile ukuti muyege nulutengano mmyangu. Nkisu muno muli nulukubilo, loli amukibege itolo, une nkitolile ikisu.”

Loli linga isile yuyo, yu Mbepo gwa naloli, yo isakubalongosyaga mbwanaloli bosa; buno atisakuyobaga isyake mwene, loli syosa isi ikusipilika, syo isakusiyobaga; kangi isakubafumukisyaga isi sikwisaga.

Ukwisakufika kulilino kuno, mukasumilamo fimo mungamu yangu; amusumege po mukwambililaga, ukuti ulusekelo lwinu lwipelege lupelelesye.

Loli nikubabula isya naloli une nikuti, sikuyaga nunu kumyinu linga nikubuka; buno linga ndikubuka, po Unjili atisakwisa kumyinu, loli linga nikubuka, nisakuntumaga kumyinu. Lelo umwene bo isile, isakukitobesyaga ikisu panongwa ya mbibi, nubugolofu, nubulongi.

Nanumwe lelo muli nubusulumanie, loli nisakubabonaga kangi, po indumbula syinu sisakusekelaga, kangi ulusekelo lwinu nayumo atisakulusosyangapo pamyinu. “Pisiku lilyo po mutisakundalusyaga une simo. Naloli nikubabula une nikuti, fyosa ifi linga mukusuma kwa Tata, fyo isakubapelaga mungamu yangu.

Naloli nikubabule une nikuti, umwe mwisakulilaga, kangi mwisakukutaga, ikyene ikisu loli kyo kisakusekelaga; umwe mwisakusulumaniaga, loli ubusulumanie bwinu bwisakwipelaga ukuya lusekelo.