Popular Bible Verses from YOHANI 14

Share

Nikubalekela ulutengano, nikubapa ulutengano lwangu; ndikubapa bo mumo ikisu kikubapela. Mungalalamukaga indumbula syinu, kangi munganyololokaga.

Umwene Yesu alinkumbula alinkuti, “Yo une ne njila, ne bwanaloli kangi ne bumi; nayumo atikwisako kwa Tata, pene papo linga ikwendela mmyangu.

“Mungalalamukaga indumbula syinu; amumwitikege itolo Kyala, nanine munyitikege.

Loli umwene Unjili, yu Mbepo Mwikemo, uyu Tata isakuntumaga mungamu yangu, yo isakubamanyisyaga syosa, nukubakumbusya syosa isi mbabulile.

Uyu linga ali nasyo indagilo syangu, kangi ikusikonga, yo uyu anganile une; lelo uyu anganile une, yo yope Tata isakunganaga, nanine nisakunganaga, kangi nisakwibonesyaga kumyake.”

Une nisakunsumaga Tata, yo isakubapaga Unjili uyungi, ukuti ayege nanumwe bwila; yu Mbepo gwa bwanaloli, uyu ikisu kikamanya ukumwambilila namanga kitikumbona, kangi kitikummanya; loli umwe mummenye, buno ikwitugasya nanumwe, kangi isakuyaga mmyinu.

Fyosa ifi linga mukusumila mungamu yangu, fyo nikubombaga, ukuti Tata akabilege ubukulumba mu mMwana. Fyosa ifi linga mukusumila mungamu yangu, fyo nisakubabombelaga.

“Linga munganile une, po mwisakusikongaga indagilo syangu.

Nnyumba ya Tata bwingi ubuyo; linga bukalimo angali mba bulile, buno nsumwike kukubatendekekesya ubuyo umwe.

Lelo napa nikubuka kukubatendekekesya ubuyo, ngwisa kangi, nisakubambililaga kumyangu, ukuti kuno ndiko une ko nanumwe mukayege.

Popapo Tomasi alinkumbula alinkuti, “Gwe Ntwa, tukakumanya nakuno kubuka, lelo po tukuyimanyaga bulebule injila?”