Popular Bible Verses from Лука 9

Share

Исусыс быдӧнныслӧ висьталіс: «Кин мӧдӧ мунны Ме сьӧрӧ, ась вунӧтӧ асьсӧ, босьтӧ ассис крестсӧ да мунӧ Ме бӧрсянь.

Кин мӧдӧ видзны ассис олансӧ, сійӧ ӧштас. Кин Ме понда ӧштас ассис олансӧ, сійӧ мездас.

Исусыс висьталіс сылӧ: «Гӧр бердӧ кутчисьӧм бӧрын мышкас видзӧтлісьыс абу туяна морт, медбы пырны Енлӧн Юраланінӧ».

Мортыс быдсӧн му вылісьсӧ босьтас кӧ, а ассис олансӧ ӧштас али аслыс умӧльсӧ керас, мый мортыслӧ сэтісь бурыс?

Отир одзын кинлӧ тӧдны Менӧ да Менчим кыввезӧс рожа кулян, и сійӧ мортсӧ тӧдны Морт Зонлӧ лоас рожа кулян, кӧр локтас Айыс югьялӧмӧн вежа ангеллэзкӧт.

Исусыс висьталіс сылӧ: «Руччезлӧн, кайезлӧн эмӧсь поззэз, а Морт Зонлӧ некытӧн и юрсӧ шоччӧтны».

Велӧтчиссеслӧ висьталіс: «Кин Менам ним понда босьтӧ эттшӧм кагасӧ, сія Менӧ босьтӧ. Кин Менӧ босьтӧ, Сія босьтӧ Менӧ Ыстісьсӧ. Тіян коласісь медучӧтыс ─ медыджыт».