Popular Bible Verses from Лука 8

Share

Бур муӧ усьӧммес ─ кылӧм Кывсӧ рам да бур сьӧлӧмын видзиссез. Нія вайӧны воӧмсӧ мыланыс быртӧг видзсьӧмӧн». Сідз висьталӧм бӧрын Исусыс горӧтчис: «Пеля мортыс ась кылӧ!»

Йӧн коласӧ усьӧммес ─ Кывсӧ кыліссес. Нія тӧждісьӧмнаныс, уна сьӧмнаныс да долыта му вылын олӧмнаныс пӧдтӧны Кывсӧ. Сэтӧн бур воӧмыс абу.

Изъяинӧ усьӧм кӧдзыс туссес ─ Кывсӧ кылікӧ сійӧ гажӧн босьтіссез. Вуджыс жӧ нылӧн абу. Кытшӧмкӧ кадӧдз веритӧны, сьӧкыт кадӧ бӧр керсьӧны.

Сэк Сія велӧтчиссеслӧ висьталіс: «Кытӧн тіян веритӧмныт?» Нійӧ повзьӧмувьяныс диво кутіс. Нія ӧтамӧдныслӧ баитісӧ: «Кин Сія? Тӧлӧн, ваӧн веськӧтлӧ, и нія кывзісьӧны Сійӧ».

Туй дорӧ усьӧм кӧдзыс туссес ─ кывзіссез. Ны дынӧ сэсся локтӧ кульыс, сьӧлӧмсиныс нӧбӧтӧ Кывсӧ, медбы нія эзӧ веритӧ да эзӧ мезмӧ.

Быд гусьӧна керӧмыс пондӧ тыдавны. Быдӧс дзебӧмыс ─ петӧ вевдӧрӧ.

Инькаыс казяліс, сія оз вермы сайӧвтчыны. Сія полӧмӧн сибӧтчис да уськӧтчис Исусыс одзӧ. Быдӧнныс одзын висьтасис, кытшӧм могӧн павкӧтчыліс Сы паськӧм бердӧ да кыдз сэтӧн жӧ веськаліс. Исусыс сылӧ висьталіс: «Эн пов, нылӧй! Тэнат веритӧмыт мездіс тэнӧ, мун лӧнь сьӧлӧмӧн».

Велӧтчиссес саймӧтісӧ Сійӧ. Нія шуисӧ: «Велӧтісь! Велӧтісь! Вӧям эд!» Сія чеччис, ӧліс тӧвсӧ, васӧ. Тӧлыс да ваыс лӧньсисӧ.