Popular Bible Verses from रोमी 3

Share

किलैकि सभ्यों न पिता परमेस्वर का खिलाप मा जैके गळत काम करिनी, अर ऊं पापों की वजै से वु लोग वेसे मिलण वळा आदर-सम्मान से दूर छिन। मगर तभि भि पिता परमेस्वर की महान किरपा न इन साबित कैरी, कि हम वेकी नजर मा धरमी छां। अर यू वेन अपणा पुत्र प्रभु यीशु मसीह का द्‍वारा कैरी, जब वेन हमतै हमरा पापों से माफी दिनी, अर वे दण्ड से छुटकारु दे जु कि हमतै मिलण वळु छौ।

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च। मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

किलैकि मूसा का नियम-कानूनों का आधार पर कुई भि मनखि परमेस्वर का समणि धरमी नि ठैरैये जालु, इलै परमेस्वर का नियम-कानूनों की वजै से हमतै इन ज्ञान मिलदु कि हम सब लोग पापि छां।

अर जन कि पवित्रशास्‍त्र मा भि लिख्यूं च कि, “परमेस्वर की नजर मा कुई भि मनखि धरमी नि च, ना एक भि नि च। अर कै का बिंगण मा नि औन्दु, कि वेको काम करण को तरीका कन च। अर कुई भि मनखि परमेस्वर तैं जनण कि कोसिस नि करदु। सब मनखि भटकी गैनी, वु सभ्या का सभि बेकार ह्‍वे गैनी। अर कुई भि भलै का काम नि करदु, एक भि ना।”

इलै हम ये नतीजा पर पौछद्‍यां, कि मनखि नियम-कानून का मुताबिक ना, बल्किन मा यीशु मसीह पर बिस्वास करण से परमेस्वर की नजर मा धरमी ठैरदु।

ना इन कभि नि ह्‍वे सकदु। सुणा, दुनियां को हरेक मनखि झूठ्‍ठु साबित ह्‍वे सकदु च, मगर पिता परमेस्वर ही च जु कि अपणा वचन को पालन करदु, इलै वेतैं सच्‍चु साबित होण द्‍या। जन कि पवित्रशास्‍त्र मा भि लिख्यूं च अर वा बात इन च कि, “हे मेरा परमेस्वर तुम अपणा मामला मा सच्‍चा छाँ, अर तुम अपणु फैसला बड़ा न्याय से करद्‍यां।”