Popular Bible Verses from रोमी 2

Share

हे मेरा भै-बैंणो, तुम इन किलै बुल्द्‍यां कि जु लोग इन्द्रया गळत काम करदिन ऊं सब लोगु तैं परमेस्वर दण्ड द्‍यो, जब कि तुम लोग भि ठिक उन्‍नि काम करद्‍यां। इलै इन्दरि उम्मीद नि रखा की तुम पिता परमेस्वर का दण्ड से बचि जैल्या। अर हम ईं बात तैं भौत अच्छे से जणद्‍यां, कि इन्द्रया बुरा काम करण वळो तैं जब परमेस्वर दण्ड देन्दु त वेको फैसला खरु ही होन्दु। अर एक बात बता, क्या तुम लोग परमेस्वर की किरपा, अर वेकी सौण की ताकत, अर हमेसा का धन तैं सुद्‍दी समझद्‍यां? क्या तुम लोग इन नि समझद्‍यां, कि परमेस्वर की किरपा तुमरा मन तैं बदळणु खुणि सिखौणि रौन्दी?

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

किलैकि पिता परमेस्वर कै का दगड़ा मा भि पक्षपात नि करदु।

किलैकि नियम-कानून तैं सुनण वळा परमेस्वर की नजर मा धरमी नि गिणै जाला, बल्किन मा वु लोग धरमी गिणै जाला जु लोग नियम-कानून का मुताबिक चलण वळा छिन।

अर पिता परमेस्वर हरेक मनखि बटि वेका कामों का मुताबिक हिसाब-किताब ल्यालु।

मगर जु लोग झगड़ा करण वळा छिन अर सच्‍चै तैं नि मणदिन, बल्किन मा पिता परमेस्वर का खिलाप मा ह्‍वेके काम करदिन, ऊं सब लोगु तैं देखि के पिता परमेस्वर तैं गुस्सा आलु, अर वेको परकोप ऊं पर पोड़लु।

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।