Popular Bible Verses from लुका 16

Share

येसुइ फेरि कहिकेभइल, “जोनो थोरइ कते थोरइ कुरायँ इमान्‍दार भइत उसे धेरइयँ पुनु इमान्‍दार भइत, ओसिनकरिकुन जोनो थोरइ कुरायँ बेमान भइत, उसे मानुसचाहिँ धेरइ कुरायँ पुनु बेमान भइत।

“कोलोउ पुनु नोकरेइ दुक्‍टा मालिकक सेवा करिके नासकइ; किकेकने उहाइ एक्‍टाके हेला करित् र अर्‌कके माया करित्, कि त उहाइ एक्‍टाइ कहल मानित र अर्‌कके वास्‍ताइ नाइकरइ। ओसिनकरिकुन तोहेसब पुनु परमेसोर र धन दुहइके सेवा करिके नाइसकउ।”

उहइगुनेइ, तोहेसब संसारक धनयँ बइमानि भइताहाउ कने, कोनेइ पो तेउह्रासब्‍के सत्‍तेक धनक जिम्‍मा देइत र? तोहेसब अर्‌काक धनयँ इमान्‍दारि नाभोओ कने, जोनो धन तेउह्रसब्‍क आफ्‍न भइके सक्‍लाहार, उसे तेउह्राके कोनेइ देइत र?

हसे अब्राहामेइ जबाफ देल, ‘मोसा र अगमबक्‍तासब्‍क कुरा निजसुन्‍लारसबेइ, मोर्‌लकमाटे जिइकुन कोलोउ मानुस उसब्‍कलघि जइने पुनु बिस्‍वास नाकरत्’।”

“जोनेइ आफ्‍न दुलिहिके छाडिकुन अर्‌किके बिहा करित् उसे मानुसेइ बेभिचार करित्; हसे दुलाहिक छाड्‌देल बेटिके बिहा कर्‌लाहारइ पुनु बेबिचार करित्।”