Popular Bible Verses from लुका 17

Share

हसे येसुइ उख्राके कहिकेभइल, “आबे उठिकुन जाउक्। तेर बिस्‍वासेइ तेह्राके निक पार्‌ल हखइ।”

यदि उहाइ एकदिनयँ सात पल्‍ट तेर बिरोधयँ पाप करिकुन्, उहाइ सातइ पल्‍ट तेरलघि फर्‌किकुन आफ्‍निक पापके मानिकुन माफ मागित कने उख्राके माफ दिक्‍साइ।”

कोररोग लाग्‍ल मद्‌धेयँ एक जेनाचाहिँ आफ्‍नि निक भइल देखिकुन, बड्‌क सोरेइ परमेसोरक प्रसम्‍सा कर्‌तिन फर्‌कल। हसे येसुक गोडयँ घोप्‍टो पोरिकुन धन्‍यबाद देल। उसे चाहिँ यहुदि नइजे, सामरि जातक रहइ।

उहइगुनेइ होस करिसाइ! “तेर भाइर पाप कर्‌ल बाटइ कने उख्राके सम्‍झाउक, यदि उहाइ आफ्‍नि कर्‌ल पाप मानिकुन आइत कने उख्राके माफ करिदिक।

हसे येसुइ पुछिकेभइल, “किति निक भइल दसइ जेना नइजे र? अरु नउ जेना चाहिँ कुछिका बाटत?

प्रभुइ जबाफ देइकेभइल, “यदि तेउह्रासब्‍के बिस्‍वास एक्‍टा तोरिक बिया जब्‍ड बाटइ कने इसे किम्‍बुक रुखके ‘उख्‍निकुन तोइ समुन्‍रयँ रोपिके जाउक्’ कनेपार पुनु उहाइ मानित।

जोनेइ आफ्‍न जिबन जोगाइके खोजित, उहाइ आफ्‍न जिबन गुमाइत; तर आफ्‍न जिबनके गुमालार चाहिँ आफ्‍न जिबनके जोगाइत।

येसुइ आफ्‍नेन्‌क चेलाके कहिकेभइल, “मानुसके पापयँ फासालार कुरा त अबस्‍से नइ आइत। तर धिक्‍कार पापयँ फासालार मानुसके! ओस्‍न मानुसके पइला नइ घिन्‍टियँ जातोक पाटा झुन्‍डाइकुन समुन्‍रयँ घुघाइदेइके उक्र लागि राम्र भइताहाइ, ताकि इसे नान्‍हि केटकेटिसबमद्‌धे एक्‍टाके पुनु पाप करिके लागाइके मउका नापाउलारइ।

नोआक बेलायँ भइल जस्‍नइ, मोइ मानुसक छावा अइलाहार बेलायँ पुनु ओस्‍नइ भइत। नोआ पानिजाहाजभित्‍र पस्‍लार बेलासमन पुनु, मानुससबेइ भोज-भतेर खाइके, पिइके र बिहाबारि करिके ब्‍यस्‍त रहत, उहइबेलायँ बाढि आइकुन सभइके सखाप पार्‌ल।