Popular Bible Verses from Lucas 4

Share

“Diaiwu Diospa awẽ Espíritu Santo ewe dia. Ea kañawaa na awayabawu ẽ atu Diospa tsai shara yuinu. Ea nichia ẽ na yurawu wetsawawe achikaxu nichikaspakadi ẽ nawu yuinu: ‘Ẽ batu nichiyua’, atu wanu. Ea nichia ẽ wexuwu kayawanu. Ea nichia ẽ yurawu nichinu wetsawawe ana atu chakawayabanuwu. Ea nichia ẽ yurawu atu yuinu: ‘Da wari Diospa batu sharawaaxiwi’”, Jesúspa wadi.

Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios duikĩ matu ratukunu bai chachipakewuwakawe. Naa wisti dikakawe yuduxuxikakĩ’. Naduri kedea”, Jesúspa wadi.

Jesúspa kebadi: “Na Diospa tsai adu kedea ẽ bia dikabanu: ‘Piti wisti udua yurawu ditiruwuba’. Naduri kedea”, Jesúspa wadi.

Espíritu Santo Jesús mera ika idi. Naya Jesús ede Jordán aduax udi. Na tsua ikabadu Espíritu Santopa Jesús iyudi.

Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios chakawabapaiyabakawe’. Naduri kedea”, Jesúspa wadi.

Aweskawaxu Jesús chakawabatiruxakĩba na yurawu radubatiadi abakiduax kadi wetsatiã chakawabapaiyaxakĩ.

Naskata na yurawu radubatiaditu Jesús machiwãri iyudi. Machiwãrixu naatiiwi diaiwuu atũ yurawuya atu Jesús kushi uĩbadi. Naskata yuidi: “Na mi uĩyawu na awara pei sapa ichapatu yurawawe witiruwuya naatiiwi ẽ bia inatiru mi atũ iwu inu. Naawu wetsã ea inadi. Watura wetsa naawu ẽ inapaikĩ ẽ inatiru. Naawu ẽ bia inanu ea duikĩ mewẽ ratukunu bai chachipakewuwawe”, wadi. Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios duikĩ matu ratukunu bai chachipakewuwakawe. Naa wisti dikakawe yuduxuxikakĩ’. Naduri kedea”, Jesúspa wadi.

Naskawadu na yurawu radubatiaditu Jerusalén adu Jesús iyudi. Dukuta oración pexe mamakayakui iyudi. Naskata yuidi: “Mi Diospa Wakemaiki duduax pakewe. Na Diospa tsai adu kedea ẽ bia dikabanu: ‘Diospa na dai arixu awẽ tsai webiswu kekẽxiwi bia kexenuwu. Mi pakeaitu bia pitsuiniwuwaxikadi mi ruweki yutekebeyabanu’. Naduri kedea”, na yurawu radubatiaditu wadi. Jesúspa kebadi: “Na Diospa tsai adu kedea ẽ bia dikabanu: ‘Matu Diaiwu Dios chakawabapaiyabakawe’. Naduri kedea”, Jesúspa wadi.