Popular Bible Verses from Lucas 5

Share

Ma atu tapibakĩ keyuta Simónya na aweta shima wipaudiwu Jesúspa atu yuidi: “Duadu nu wunukawe. Nadu matu rede puchi wukawe”, atu wadi.

Simónpa kebadi: “Diaiwũ, nuku rede yabe chai nu puchĩshia. Nu awa wiaba. Naskaweke ẽ aki kanu. Mia yuiki”, wadi. Naskawata atũ rede putẽdiwu. Atũ rede putẽawudu shima ichapa atũ redeki wuspikuidiwu. Atũ rede waxtei idiwu.

Naskaweke Jesúspa Dios kiwĩkĩ ma wisti waitaxakĩ awiana wisti wapaudi tsua ipaudibari kaxu.

Na yurawawe na Diospa duiyai axikakĩ shinawaĩ atiruwu atu ẽ duduri ‘Ana chakayabaxikĩ shinakawe’, ẽ bai adu atu yuiyuiyudiba. Na yurawu chakabiswu naduri ẽ atu yuiyuiyudi”, Jesúspa atu wadi.

Na shima ichapa uĩkĩ Simón Pedro Jesús nama rachatubepakekawã yuidi: “Diaiwũ, ẽ chakabiski. Ibakiduax katawe”, wadi.

Naskawaiwawe dikakĩ Jesúspa atu kebadi: “Na isinikaiwubakai doctor yupakadiba. Na isinikaiwu doctor yupakadi.

Naskawaitu dikakata atũ xaxuwã rawe ritiadiwu iãmawa ketukunu. Atũ awarawu wutaba Jesúswe wudiwu auxũ tapixikakĩ.

Wetsatiã Jesús pexe ichapadu idi. Ea dikapu. Nadu dukuwede iruba isiya idi. Awẽ yuratiixu kaĩ wetsea idi. Jesús wichita rachatubepakekawã awẽ bapu baiki ratapakewuwãdi. Kexunawadi kayawanu: “Diaiwũ, mia kayawapaikĩ mia kayawatiru”, wadi. Jesúspa awẽ biwĩ beedi. “Ẽ bia kayawapai”, wadi. Naskawatadaidu kayatadi.

Naskaweke Jesús udua chadiwuwasawadiwu. Jesúski yura ichapakui wepaudiwu dikai wekadi atu kayawanuriwi.