Popular Bible Verses from Mariko 10

Share

Umwana w'umuntu na we ntiyazanywe no gukorerwa, ahubwo yazanywe no gukorera abandi no kubapfira kugira ngo abe incungu ya benshi.”

Yezu arabitegereza arababwira ati: “Koko ku bantu ni ibidashoboka, ariko ku Mana si ko biri kuko yo byose biyishobokera.”

Yezu ati: “Igendere, ukwizera kwawe kuragukijije.” Uwo mwanya arahumuka maze akurikira Yezu.

Nuko rero ntihakagire umuntu utandukanya abo Imana yafatanyije.”

Nuko Yezu amwitegereje aramukunda. Ni ko kumubwira ati: “Icyakora ushigaje kimwe, genda ugurishe ibyo utunze byose ibivuyemo ubihe abakene, ni bwo uzaba ufite ubutunzi mu ijuru, maze uze unkurikire.”

Yezu abaza uwo muntu ati: “Urashaka ko ngukorera iki?” Aramusubiza ati: “Mwigisha, mpumūra!”

Ariko muri mwe ntibikagende bityo. Ahubwo ushaka kuba mukuru muri mwe agomba kujya abakorera

Ndababwira nkomeje ko utākira ubwami bw'Imana nk'uko umwana muto abwākira, atazabwinjiramo bibaho.”

Ikindi kandi hari benshi mu b'imbere bazaba ab'inyuma, na benshi mu b'inyuma babe ab'imbere.”

Ariko mbere na mbere, igihe Imana yaremaga yaremye abantu, umugabo n'umugore. ‘Ni cyo gituma umugabo azasiga se na nyina akabana n'umugore we akaramata, bombi bakaba umuntu umwe’, ku buryo baba batakiri babiri ahubwo baba babaye umuntu umwe.