Popular Bible Verses from Mariko 9

Share

Yezu ati: “Ugize ngo iki? Uvuze ngo niba hari icyo nabasha gukora…! Erega byose bishobokera uwizera Imana!”

Ako kanya se w'umwana avuga cyane ati: “Ndizeye! Ngoboka unkize kutizera!”

Yezu ageze imuhira abigishwa be bamubaza biherereye bati: “Kuki twe tutabashije kuyimenesha?” Arabasubiza ati: “Bene iyo ngabo ntimeneshwa n'ikindi kitari ugusenga.”

Umunyu ni ingirakamaro, ariko se iyo wakayutse mwakongera kuwuryoshya mute? Nuko mugire umunyu muri mwe kandi mubane mu mahoro!”

“Umuntu wese wakīra umwe muri aba bana kubera jye ni jye aba yakiriye, kandi unyakiriye si jye aba yakiriye, ahubwo aba yakiriye Uwantumye.”

Umuntu wese uzaza mu izina ryanjye, akabaha nibura igikombe cy'amazi yo kunywa ayabahereye ko muri abanjye, ndababwira nkomeje ko atazabura kugororerwa.

“Nihagira ugusha mu cyaha umwe muri aba bato banyemera, icyaruta kuri we ni uko bamuhambira urusyo ku ijosi, bakamuroha mu kiyaga.

Niba ijisho ryawe ryakugusha mu cyaha urinogore. Icyaruta ni uko wakwinjira mu bwami bw'Imana ufite ijisho rimwe, aho kurohwa mu nyenga y'umuriro ufite amaso yombi.