Popular Bible Verses from Mateo 7

Share

Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar, oun kova vell t'menge pre kerdo!

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.

Djan an o tikno voudar dren! Nashedo hi kolla, kay djan an o baro voudar ap o bourhlo drom. Oun boud djan koy.

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Ma sikrenn ap i vavarengri doosh! Oun o Devel dikell gar ap t'mari doosh. Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Hakeno, kay mire laba shounella oun kova gar krella, hoy me penau, kova hi har i dinelo, kay peskro kheer ap i čik kras.

Hoske kameh tou i tikno kasht dran tiro phraleskro yak vin te tserdell, oun tou dikeh gar o baro kasht an tiro yak? Har nay peneh tou ap leste: Miro phraal, am kay! Me kamau ko tikno kasht dran tiro yak vin tserdell. Oun tou dikeh gar o baro kasht an tiro yak.

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna. Ap kova, hoy yon krenna, dikenn t'mer, har yon hi. Ap i soubyengro rouk venna kek drake baro. Vitar gar venna fayge baro ap soubyengre bourra.

Yaake vell lačo koova dran i lačo rouk, oun djoungelo koova dran i nasselo rouk.

Dran i lačo rouk vell kek djoungelo koova. Oun dran i nasselo rouk vell kek lačo koova.

Hako rouk, kay vell kek lačo koova dran leste, vell tele dino, oun an i yag vitsedo.