Popular Bible Verses from THUFIM 3

Share

Bawipa cu na thinlung zate in rinsan aw. Nangmah ih ruahnak le theihnak kha rinsan aw hlah. Na tuah mi kipah Pathian cu thei ringring awla, Amah in lamzin dik a lo hmuh ding a si.

Ka fim paam tiin ruat aw hlah; Bawipa cu ṭih awla, sualnak tansan aw.

Bawipa cu na sumsaw le na thlairah hmaisa bik in thangṭhat aw. Cubangtuk in na tuah asile na rawl inn cu rawlin a khat dingih, Na sabit ralca beel cu sabit thar in a liam thluahthlo ding.

Na hnen ihsin felnak le rintlak sinak khan ziangtik hmanah lo suahsan hlah seh; Na hngawng ah ngerh awla, na thin sungah ngan aw.

Ka fapa, Bawipa ih nun simnak cu ziang rel loin va um hlah, A lo kawk tikah na thin na hlah. Ziangahtile pa in a duhdawt zetmi a faate nun a sim bangin, Bawipa in a duhdawt mi pawl cu nun a sim a si.

Ka fapa, ka lo zirh mi pawl tla kha hngilh hlah, Tuah dingih ka lo sim mi pawl kha ciing ringring aw. Ka lo zirh mi in nun saunak le nun nomnak a lo pe ding a si.

Fimnak a hmutu cu mi lungawi a si, Theihthiamnak a neitu khal a lung a awi ve. Fimnak cu ngun hnakin a ṭha sawn ih, Sui hnakin a man a khung sawn a si. Fimnak cu lungvar hnakin a man a khung deuh ih, Thil dang thawn tahṭhim theih a si lo.

A ṭul a sammi pawl hnenah na tuah thei zat tiangin thil ṭha kha tuah aw.

Bawipa in leilungpi cu a fimnak thawn a sersiam ih, A theihthiam theinak thawn van cu a hngetter.