Popular Bible Verses from THUFIM 4

Share

Ralringte in khua ruat aw, Ziangahtile na ruah mi in na nunnak a siamrem ding.

Na tuah ding mi kha ṭhatein khuakhang cia awla, Cutin na tuah mi pawl cu felte in na tuah suak vivo ding.

A dik lomi thu zianghman rel hlah, ṭong hawizawng lo le thuphan va sim hlah.

Fimnak neih cu na tuah thei mi thil thupi bik a si, Na neihmi hmuahhmuah hman man sehla fimnak cu nei aw.

Sikhalsehla miding pawl ih lamzin cu, Zing khawvang ihsin sun tiang a tleu sinsin mi tleunak bangtuk a si. Mi ṭha lo pawl lamzin cu zanthim bangtuk a si, Ziang kan pal ih kan ril ti khal an thei lo.

Fimnak kha tlansan hlah awla a lo kilveng ding, Duhdawt awla himdamte in a lo humhim ding.

Na zir mi pawl hi kaihnget awla, ṭhatein kilkhawi aw. Na nunnak a si.

Mi ṭha lo pawl ih fehnak ah khan feh hlah aw; Mi siava pawl ih nunzia kha cawng hlah.

Ka faale tla, nan pa ih a lo zirh mi pawl hi ṭhate in ngai uhla, Theihthiamnak nan neih theinak dingah cing ṭha uh.