Popular Bible Verses from Behadi 2

Share

Jâ ndi ja Pitě ja vâ na bâ, na, Ulwakani, na inyeni běhěpi wa baptaiswěni na dina ja Jisus Kraist, o ivěngidě ja bobe, n‘ inyěni wa pahiyani ivěwě ja Ilina Iyamu.

Ba lilimakiděndi iyokwanidi via metodu n‘ ulato, n‘ ipěhě ja pěmbě, na makaliya.

Bâ běhěpi ba bě londango n‘ Ilina Iyamu, ba ka kalaka na bemi bepâkwě, panika Ilina i věki bâ ukalo.

O mbenjě pâkâ joyi i viyendi oba, o na ja ngombe e vungaka, ka jâ‐ja yambiya ndabo ’abu e diyakidi. Ka bemi bea paha ona veya, bea pumiya o bâ‐ba jadi, ka viâ via kokaniya bâ. Bâ běhěpi ba bě londango n‘ Ilina Iyamu, ba ka kalaka na bemi bepâkwě, panika Ilina i věki bâ ukalo.

Ba diyakindi buhwa boěhěpi ikando jabu jâkâ o těmpěl, ba pěhěkě pěmbě o mandabo, ba jaka beja beabu na mbya n‘ ulema ’mbâkâ. Ba bendakě Anyambě, n‘ unyěvěno na bato běhěpi. Ka Upangiyi a badiya ikando ba ka yongě, buhwa boěhěpi.

Anyambě a vâki, na, E ka diyandi o hwi ja madikanido, mbi ka hovandi bato běhěpi Ilina jamě: na bana banyu ba bamo na ba bajo ba ka sâkâkâ, na mawanja manyu ma ka yěněkě behihila, na batodu banyu ba ka yâtâkâ ndâtâ

Ba kamakidě běhěpi ba diyakindi ta, na bâ‐ba diyaki tepě belombo beěhěpi ta; Ka bâ‐ba hamba behiki beabu na hika ’abu, ka bâ‐ba kaba na moto uěhěpi, nyanga ya moto uěhěpi e ma nyamaka.

E ka diyi na moto ka moto uěhěpi a ka dakiyě dina ja Jěhova, te a ka yongě.

Joba i ka uluwandi ivititi, na ngândě makiya, na buhwa tě boa Anyambě boněně boa yowaněngo na ta ka pâ.