Popular Bible Verses from Behadi 1

Share

Ndi o ka pahiyandini ngudi oningě Ilina Iyamu i pugingě inyěni; vâkâna wa běndini tali jamě o Jěrusalěmi na Judia yěhěpi, na Sameria, kwanga nala o ihuku ja he ja yaviděngo.

Ka Mâ‐a vâ na bâ, na, E ibě ’anyu y‘ iyowě ja begombe, tombe bepedi bea Paia be di vaměngo o ngud‘ ’aju mětě.

O Mâ‐a diyaki lataniyango na bâ, a langwakiyi bâ na ba takete o věngěmě o Jěrusalěmi, ndi ba vengake mohano mua Paia, umuanyu u di yokango n‘ Umba. Ikabojana Jân a ma bapitaisakandi mětě na miba, ndi hwi ja yaviye nd‘ o bapitaiswěni n‘ Ilina Iyamu.

Ibaju ba levakidě nyolo ’aju mihâ o betuniya beaju be běki tombango, na ndembo i ha ’bě na ngudi ya bomwě penda, a yěněněki na bâ mabo ma hwi manai, a kalaka o pělě ’a belombo bea ipangiya ja Anyambě

O Mâ kalidi belombo tě ekabe, ba umbwakiyate, ka evindi ya nângânâ bâ Mâ o mihâ mabu.

O bâ‐ba diyakidi ba umbwakiya oba dongodongo, o Mâ‐a diyakidi a betaka, ba hilěte bato babale ba di těměngo baka na bâ n‘ ibâtâ itano. Ba vâki tepě, na, Inyi bamo ba Galili, e lě nde eanyu e di těměngo o ’mbwakiyani oba? Jisus tě i nângânudwě inyěni na ’la o Hěvěn ekadi, A ka viyate nyanga tě eanyu e yěněkě Mâ‐a kěkě o Hěvěn ekaně.