Popular Bible Verses from Nonoli 1

Share

-Mɔ, 'anye, 'a yi 'ce 'bhɛloɛ yle, -ɛ 'bhale Zuzu Wlewle "me -wɛ, "ne 'ɛ yi 'anye "ku 'kwile-, "ne 'a yi 'kwɛmetamaleɛ yle, "ne 'a "kɛ -lɔ 'neɛ -wayeɛdɛ "zo, Zeluzalɛme, Zude -glɔ 'klekle "ku, "ne Samali, -kaa 'du 'na 'wlisɛledɛ.»

"Ne Zezu yua -lɔ bhulɛle- nɛɛ: «'A -ka -sɔɔdɛku "ɛ -li -wɛ 'wɔ "kɛ 'yli 'wlole -wɛ yibhlele-. -Mɔ, -ame To -bholo -kpee -kɛ -lɔ 'bhɛloɛ -se "tɛnye -ye 'ɔ -sɛ lɔbhɔ 'ɔyigɛsɛ -wɛ yibhlele-.

'Yli -bholo "me, -sɔɔdɛku Zezu -nyɛ 'ɔnɛɛ gɛlenya 'wɔ "bhaa 'wa -ko 'awɔ li dɛku -wɛ, "ne 'ɔ yua -lɔ bhulɛle- nɛɛ: «'A te -na -kɛ Zeluzalɛme -du "me 'bha-, -mɔ, 'a wo- -kɛ -ame To 'na weli -ye 'ɔ -ple -wɛ. -Ame 'nabhɛ, 'e -bhulɛle nɛ 'anye 'ɛnɛɛ weli "kle- nɛɛ: Zaa "nyɛle- 'nyakpa batɛme 'ŋu "me, -mɔ, 'anye, 'yli "ne -la dɛtlo -se 'a "kɛ Zuzu Wlewle "me batɛme yle -le.»

Zezu 'wlo- lɛ gluzɔ "bhuɔ ne, "ne 'ɔ yi -lɔ "ɛ "kɔlepɔnya -bhele -wɛ 'yliku 'sibhɔ- kosɛ -vu 'na dɛ, -se 'wa "kɛ 'sɛ yibhlele- -gbɔ 'ɔ -yɛ gbligbli -godogodo 'na dɛ. "Ne Zezu yua -lɔ Lagɔ 'na 'Kamalezikpɛ 'na weli bhulɛle- 'yli -glo "sɔ 'na dɛ.

Zezu "kɛ bhulɛ- "bhuɔ ne, 'ɔnɛɛ gɛlenya 'yliku, "ne Lagɔ yu -lɔ "nɔgɔ "me "gbla, "ne "nɔgɔjatlɛ yu -lɔ "ku zizi-, "ne 'wa "no 'awɔ -da 'yli -gɛ.

-Sɔɔdɛku "ɛ Zezu -ko nɛ "gblɛ dɛku -wɛ, 'wa 'na 'wolo cuu ne, 'nyakpa "sɔ -pla "koti "fɛɛ- "me, "ne 'wa 'nyegboa- yɔko. "Ne 'wa yua -lɔ bhulɛle- nɛɛ: «Galile 'na 'nyakpa, sɔɔbɛɛza 'a 'wolo bhɔ "nɔgɔ "me 'a? "Ɛ Zezu -ɔ 'bha- 'anye yɔko "ne 'ɔ yi "nɔgɔ "me "gblɛ -wɛ, -see 'a 'yo- 'ylime "ne 'ɔ yi "gblɛ -wɛ, "ɛ sɛbhele -wɛ 'ye 'a "kɔ -lɔ 'ylime 'ye "ne 'ɔ "kɛ 'ce -lɔ "kusɔ yile-.»