Popular Bible Verses from Nonoli 2

Share

"Ne Piɛle yua -lɔ bhulɛle- nɛɛ: «'A 'bhelia- 'anyɛɛ kɔsɛ kɔ, -se -ɔkɔkokɔko yle batɛme, Zezu Kli 'na 'tɔ "me, -se Lagɔ "kɛ 'anyɛɛ 'nyinyonoli 'na gbo 'yi 'tale-, -se 'a "kɛ Zuzu Wlewle yle.

'Ɛ 'bhale 'ce -la lɛ -doɔ ne, 'wa 'fole 'awɔ 'gɔme "kɔlepɔnya 'na -sloaweli 'yukwli, "ne 'wa -kole 'awɔ "ku sɛgbɛɛ 'nayua, "ne 'wa lili 'awɔ 'gɔme, "ne 'wa bhubhɔle 'awɔ 'gɔme zle oo -zle.

"Ne 'wayi 'klekle Zuzu Wlewle yua -lɔ "ku 'yiɛ -gwizii, "ne -ɔkɔkokɔko yi -lɔ gbo 'na -vinɛ gbɔ -ye Zuzu Wlewle 'pɔ- 'nu -wɛ.

Cuu ne, "ne 'kple "yitɛ yi -lɔ "nɔgɔ "me 'bhale-. "Ne 'ɛ yi -lɔ "ɛ -bhudu -me 'wa -ko nɛ -wɛ "ku 'yiɛ. "Ɛ 'kple -wɛ -ko 'awɔ sɛgbɛɛ gu -pepe yi. "Ne 'wa yi -lɔ -kosu -zɛle -ɛ -ko sɛgbɛɛ miɛ- -wɛ 'ylime 'ye. 'Ɛ 'bhabhale- 'awɔ "me, "ne 'ɛ yi -lɔ -ɔkɔkokɔko 'wli 'sibhɔ. "Ne 'wayi 'klekle Zuzu Wlewle yua -lɔ "ku 'yiɛ -gwizii, "ne -ɔkɔkokɔko yi -lɔ gbo 'na -vinɛ gbɔ -ye Zuzu Wlewle 'pɔ- 'nu -wɛ.

Zle 'klekle "me, 'wa "zole 'awɔ "Mebɔbɔlebhudu "me 'wli, "ne 'dlekukɛlesɛ "ku, 'wa lile 'awɔ -lɔ 'gɔme sueme, 'ŋwanasɛ "ne 'dlezɔ foo "ku. 'Wa 'kwa 'awɔ Lagɔ 'ŋlu, "ne 'nyakpa 'klekle -wa 'awɔ 'wanɛɛ weli. "Ne, zle 'oo -zle, Anyinɛnyɔ Lagɔ zimale 'awɔ -lɔ 'nyakpa -ye 'ɔ 'fuɔ 'awɔ -wɛ "ku.

Lagɔ nɛɛ: 'Bebhiɛle -yli "me, 'e yi 'neɛ Zuzu Wlewle 'nyakpa 'klekle "ku 'kwlialea-. 'Anyɛɛ 'widiayua "ne 'anyɛɛ 'ŋuyua yi "guɔkwɔmenya 'nasɛ bhulɛ-. "Ne 'anyɛɛ 'teyigba 'wɔ -li yua 'yli "klo -ylɛle "ne 'anyɛɛ 'nyɛbhlegɔgoa yi 'ce yla ylɛ.

'Dlekukɛlenya 'klekle -kole 'awɔ "ku, "ne 'wa "zole 'awɔ -lɔ 'wanɛɛ -li 'klekle dɛ -bhele. 'Wa "pɔ 'awɔ 'wanɛɛ 'lɛɛ "ne 'wanɛɛ -li -ye 'wa -kɛ 'klekle -wɛ 'pɔlo "ku, "ne 'wa dli 'awɔ -lɔ 'ɛnɛɛ 'dlasi, "ne 'wa 'nyɛ 'awɔ -lɔ 'ɔkɔkokokɔ 'na -se 'ɔ "kɛ 'ple -wɛ kɔ.

"Ɛ zle -wɛ, -ɔ kɛ 'ce Anyinɛnyɔ "me 'tule -wɛ yi 'ce "po.» Zowɛle 'na weli 'ye 'ɔ bhulɛ -wɛ -lɔ.

'Ylo yi 'ce 'gu -titiɛ "me yli- "ne 'ce yi 'gboo "zo sɛgbɛɛ dlu. Anyinɛnyɔ -gba "kɛ 'ce yi ne, -soɔ 'ye 'ɛ "kɛ 'ce -lɔ ylɛle-; zle 'na "yitɛ, 'ŋlume -zle yɛ -lɔ.