Popular Bible Verses from Juan 15

Share

“Ako ro puno it ubas ag kamo ro mga sanga. Ro nagapadayon sa anang maeueot nga kaangtanan kakon, ag makaruyon man ro akong kaangtanan kana, ruyon ro gabunga it abo. Matuod ra dahil kon owa kamo nakaangot kakon hay indi gid kamo makapamunga.

Padayon sa inyong maeueot nga kaangtanan kakon ag makaruyon man ro akong kaangtanan kinyo. Ro sanga hay indi makapamunga nga imaw eang kundi dapat hay padayon imaw nga nakaangot sa puno. Makaruyon man kamo. Indi kamo makapamunga kon indi kamo magpadayon sa inyong maeueot nga kaangtanan kakon.

Pero kon nagapadayon kamo sa inyong maeueot nga kaangtanan kakon ag padayon nga nakatanom sa inyong paino-ino ro akong hambae, pangayo kamo sa Ama it bisan ano nga inyong gusto, ag itao ron nana kinyo.

Bukon it kamo ro nagpili kakon kundi ako't-a ro nagpili ag nagbutang kinyo sa oeobrahon it pagpanaw ag pagturo parti kakon, agod magtuo man ro ibang tawo kakon. Ro bunga ku inyong pagkabudlay ngaron hay magapadayon bisan hasta hin-uno. Ag dahil karon hay taw-an kamo ku Ama it bisan ano nga inyong pangayuon sa akon nga ngaean.

Owa eon it paghigugma nga makatupong pa sa paghigugma it sangka tawo nga haom magsakripisyo ku anang kabuhi para sa anang mga amigo.

Ana nga ginaputoe ro kada sanga nga owa gabunga. Pero ro mga sanga nga nagabunga hay ana nga ginapungoe agod magbunga pa gid it abo.

“Raya ro akon nga sugo kinyo: Maghigugmaanan kamo pareho ku akong paghigugma kinyo.

Gapakilaea nga mga matuod nakon kamo nga mga sumueunod kon nagabinunga kamo it abo, ag duyon ro makatao it dungog sa akon nga Ama.

Bago sanda nagpanaw, nagturo anay si Jesus paagi sa rayang halimbawa. Hambae nana, “Ako ro minatuod nga puno it ubas ag ro akon nga Ama ro manogdipara.

Ro owa nagapadayon sa anang maeueot nga kaangtanan kakon hay pareho it inutod nga mga sanga nga eangkay eon. Tipunon dayon sanda ag ginaitsa sa kaeayo agod masunog.

Ginasugid ko kinyo rondaya nga mga butang agod ro minatuod nga kalipay nga iya kakon hay mangin una man kinyo ag agod mangin tueos gid ro inyong kalipay ngaron.

“Ginahigugma ko kamo pareho ku paghigugma kakon ku akon nga Ama, ngani padayuna ninyo ro pagtuman sa akong mga sugo. Kon himuon ninyo ron, permi ninyo nga mabatyagan ro akon nga padayon nga paghigugma kinyo. Pareho man kakon, tungod ginatuman ko permi ro mga sugo ku akon nga Ama ngani permi ko nga habatyagan ro anang padayon nga paghigugma kakon.

Ginahambae ko it uman ro akong sugo kinyo, maghigugmaanan kamo.”

Kon pareho kamo kanda nga owa nagatuo kakon hay mailaan 't-a nanda kamo ay paeareho abi kamo. Pero bukon kamo it pareho kanda ay ginpili ko kamo agod bukon eon kamo it kaibahan ku mga owa nagatuo kakon. Mawron nga ginakaugtan nanda kamo.