Popular Bible Verses from Yohanes 16

Share

Humaweena ei iulika-Ku komi bona mirata katuwu to nanone apa nohangu rara komi hante Aku. I dunia ei, komi mei mamparata kahehaa. Naupawee, pakaroho rarami! Laidagi-Kumi humawee baraka i dunia ei!”

Ane maratadimi Inoha to Nagaha, Hia mei mampakanoto hi komi humawee napa to nakono. Hia ee mei mojarita moma mantuku dota-Na moto, naupawee mantuku napa to laiepe-Na, pade Hia mei mangkewoka komi napa to madupa i eo ngkapurina mei.

Duu ei, poma naria to laiperapimi i rara hanga-Ku. Perapimi, kana rawaika komi bona magana mpuu kagoe rarami.

Naupawee Ku'ulika komi kakonona, panculi-Ku rau hi Tuama-Ku ei, kabeloami komi. Apa ane moma-'A rau, moma-'I marata to Petulungi ee hi komi. Aji ane rau-'A, Kuhuro-'I to Petulungi ee rumai hi komi. Ane marata-'I mei, Hiadimi to mampakanoto hi tauna to moma neparahaya hi Aku i dunia ei nangkambelai dohara, nangkambelai bewa ingku to nanoro i tingoo Alatala pade nangkambelai pebotuhi to kakonona.

Wee moto mui komi. Welau ei madua rarami, naupawee Kupotomuka nculi moto komi. I heedimi pade magoe rarami pade moma hema haduaa mamala mampa'alai goe rara ee lako hi komi. Tempo ee mei momami maria to mipekune hi Aku. Mpuu-mpuu Ku'ulika komi, nau napa to miperapi hi Tuama i rara hanga-Ku, Nawaika pura komi.

Mpuu-mpuu Ku'ulika komi, makeo pade motantangi komi mei, naupawee tauna to moma neparahaya hi Aku i dunia ei magoe motora. Madua rarami, naupawee dua rarami ee mobali moto'i mawali goe rara.