Popular Bible Verses from Yohanes 15

Share

Akumile puu anggur, komimi raa-raana. Hema-hema to mohangu rara hante Aku, pade Aku mohangu rara hante hia, madea wuana. Apa ane mogaa komi hante Aku, moma maria to mamala mibabei.

Mohangu rara dolamo komi hante Aku pade Aku mui mohangu rara dola hante komi. Raa anggur to moma'i nerika i puu anggur, moma'i mamala mowua. Wee moto mui komi, ane moma komi mohangu rara hante Aku, moma komi mowua.

Ane mohangu rara moto oa komi hante Aku, pade mipairara mpuu patudu-Ku, perapimi hi Tuama-Ku napa-napa to mipodota Nababeika komi. Kana Nababei hi komi ewa to laiperapimi.

Moma komi to nampelihi-'A, naupawee Aku to nampelihi komi pade nantudu komi rau i dunia mowua mabelo, pade wuami ee mantaha duu kahae-haena. Ane wee komi, Tuama mampawaika komi humawee to miperapi hi Hia rara hanga-Ku.

Moma naria towe to nelabi kabohena lako hadua tauna to nahadia mamate bona mahalamara dohena.

Butu raa to nerika hi Aku to moma nowua, Natompo. Pade butu raa to nerika hi Aku to nowua, Nalali huluna pade Nagalihi bona madeaki wuana.

Eimile parenta-Ku, bona momepotowe komi hadua bo hadua ewa pampotowe-Ku komi.

Ane madea wuami, mahipatomo komi rauli to pantuku-Ku. Pade ane iwee, rapemabohemi Tuama-Ku.”

Yesus nopadola nangulikara iwei, “Akumile puu anggur to nakono pade Tuama-Kumi tumpu pampa anggur ee.

Tauna to moma mohangu rara hante Aku, hia ee ratadi ewa raa kau, alaana mabangimi. Raa kau to ewa ee rapalimpuru, ratene rara apu pade rahuwe.

Humaweena lauria iulika-Ku komi, bona goe rara-Ku mamala mirasai pade magana mpuu kagoemi.

Ane mituruhi parenta-Ku, mirasai dola moto'i mei towe-Ku. Ewa Aku nanturuhi parenta Tuama-Ku, lairasai-Ku dola moto towe-Na.

Eimile parenta-Ku hi komi: Pomepotowemo komi hadua bo hadua.”

Ane ke nohangu pekiri komi hante to moma neparahaya hi Aku i dunia ei, natantu amimi rapotowera komi. Naupawee moma komi nohangu pekiri hante hira. Komi laipelihi-Ku lako tau-tauna i dunia ei nawali todea-Ku, etu pade laipodaara komi.