Popular Bible Verses from मरकुस 9

Share

ईसू नें बाते कही, “तैने ऐसे चौं कही कै तू कछु कर सकतै? भरोसौ करिवे बारे लोगन काजै सब कछु है सकै।”

जि सुनिकै लड़का के बाप नें तुरन्‍त ईसू ते कही, “हे पिरभू! मैं भरोसौ करतूं, पर मेरौ भरोसौ इतनों मजबूत नांय, तू जाय मजबूत कर।”

जब ईसू घर में आयौ, तब वाके चेलान नें एकान्त में ईसू ते पूंछी, “हम बा दुस्‍ट आतमा कूं चौं नांय निकार सके?” ईसू नें बिनते कही, “ऐसी दुस्‍ट आतमा बिना पिराथना के नांय निकारी जा सकै।”

“नौन तौ अच्‍छौ है। पर नौन अगर अपनों नुनखरौ पन छोड़ दैवे तौ तुम बाय दुबारा कैसै नुनखरौ बना सकतौ? नौन भौत सी चीजन के काजै लाभदायक है बैसेई तुमारो व्‍यवहार दूसरेन के काजै लाभदायक होनों चहिऐं और हर एक तै मेल-जोल के संग रहौ।”

जो कोई मेरे नाम ते जा जैसे काऊ बालक कूं अपनातो है, बू मोय अपनातो है, और जो कोई मोय अपनातै बू मोय और मेरे भेजवे बारे परमेस्‍वर कूं अपनातो है।

जाके मारे जो कोई तुमैं मेरे चेला समझकै एक गिलास पानी पियाबेगौ, तौ मैं तुमते सच कहुं कै बू अपनों इनाम कबऊ नांय खोवेगौ।”

और जो कोई इन छोटे बालकन में ते काऊ है, जो मोपै भरोसौ रखत हते, पाप के रस्ता पै लै जातैं वाके काजै तौ जि अच्‍छौ होतो कै वाके गले में एक चाकी कौ पाट बांधकै समुन्दर में धकेल दियौ जातो।

और अगर तेरी सीधी आँख तोय पाप के रस्ता पै लै जाबै तौ तू बाय निकार डारियो चौंकि दोनों आँखन के रैहत भये तू नरक में डारौ जाये जाकी आग कबऊ भुजत नांय, जाते तौ तेरे काजै जि अच्‍छौ होतो कै तू काँनों बनके परमेस्‍वर के राज्‍य में पिरबेस करतो