Popular Bible Verses from लूका 6

Share

दयौ करो, तौ तुमेऊं दयौ जाबैगौ पूरौ दबाय दबाय कै और हिलाय हिलायके ऊपर तक निकरतौ भयौ तुमें दयौ जाबेगौ चौंकि जिस नाप ते तुम नापतौ, बाई नाप ते तुम्हारे काजैऊ नापौ जाबैगौ।”

भलौ आदमी अपने मन के भले भन्‍डार ते भली बात निकारतै और बुरौ आदमी अपने मन के बुरे भन्‍डार ते बुरी बातें निकारतै, चौंकि जो वाके मन में भरौए बेई वाके मौंह ते बाहर आवते।

बरन अपने दुसमनन ते पिरेम रखो और भलाई करौ और बापस पाबे की आस ना रखत भये उधार देउ, तौ तुम्हारे काजै बड़ौ फल होगौ और तुम परम पिरधान के सन्‍तान ठहरौगे, चौंकि जो परमेस्‍वर कौ धन्यबाद नांय करत और बिनके काजैऊ कृपालु है।

जैसा तुमारौ सुरगीय पिता दयावन्‍त है, बैसेई तुमऊ दयावन्‍त बनो।

“तुम काऊ कौ भलौ बुरौ कैहके न्याय मत करौ जाते कै तुमारौऊ न्याय ना करौ जाबेगौ। दोस मत लगाऔ, तौ तुम पैऊ दोस नांय लगायौ जाबैगौ। छमा करौ, तौ तुमेंऊ छमा करौ जाबेगौ।

“पर मैं तुम सुनबे बारेन ते कहतूं, कै अपने बैरिन ते पिरेम रखो, जो तुमते नफरत करें, बिनकौ भलौ करौ। जो तुमें स्राप दें, बिन्‍नें आसीस देओ जो तुमारे संग बुरौ व्‍यवहार करें, बिनके काजै पिराथना करौ।

और जैसौ तुम दूसरेन ते अपने काजै बरताब चाहतौ बैसेई तुम दूसरेन के संग बरताब करौ।

जो तेरे एक गाल पै थप्पड़ मारै तौ वाके माऊं अपनों दूसरौ गाल कर दियौ और जो तेरी लोई छीन लैबे, तौ बाय कुरता लैबे तेऊ मत रोकौ। जो कोई तोते मांगे, बाय दै दे और जो तेरी वस्तु छीन लै, बाते मत मांग।

“अच्‍छे पेड़ पै अच्‍छे फल आबतै और बुरे पेड़ पै बुरे फल आबतै।

हर एक पेड़ अपने फलन ते पहचानौ जाते, चौंकि लोग झाड़ियन ते अंजीर नांय तोड़त और न झड़बेरी ते अंगूर।