Popular Bible Verses from लूका 7

Share

जामारै मैं तोते कैहतूं कै, जाकौ जि भौत गहरौ पिरेम जि दिखावते, कै जाके भौत पाप छमा करे गए हैं, पर जाके थोड़े पाप छमा करे गए हैं जानें थोड़ौ पिरेम करौऐ।” तब ईसू नें बा औरत ते कही, “तेरे पाप छमा कर दये गये हैं।”

तब ईसू नें बा औरत ते कही, “तेरे भरोसे नें तोय बचायौ है। सान्‍ती के संग चली जा।”

बू वाके पीछे वाके जौरें पामन की ओर खड़ी हती। बू रोय रयी हती अपने आँसुन तै बू वाके पामन कूं भिगो रयी, फिर बानें ईसू के पामन कूं अपने बालन ते पौछ कें वाके पामन कूं चूमने लगी और वाके पामन पै इत्र उड़ेल दयौ।

जामारै मैने तेरे जौरें आयबे तक कीऊ नांय सोची। पर तू कह दै तौ मेरौ सेबक ठीक है जाबैगौ। मैं खुदऊ एक अधिकारी के नीचे काम करतूं और मेरे नीचेऊ कछू सैनिक काम करतें और मैं बिनते कैहतूं ‘आ’ तौ बे आबतै और मैं कैहतूं ‘जा’ तौ बे जाबतै और जब मैं अपने सेबक ते कैहतूं कै ‘जाय कर’ तौ बू बाय करतुए।” ईसू नें जब वाकी बात जि सुनी तौ बाय वाकी बात पै अचम्भौ भयौ और जो आदमिन की भीड़ वाके पीछे चल रई हती, वाकी ओर मुड़क कै कही के मैने ऐसौ भरोसौ तौ इसरायल के लोगन मेंऊ कऊं नांय देखौ।

बा समै ईसू नें भौत ते बीमारन कूं और दुखिअन कूं ठीक करौ और भौतन कूं दुस्‍ट आतमा ते छुड़ायौ हतो भौतसे अंन्धेन की आँखन कूं रोसनी दयी। और बानें बिनते कही कै, “जाऔ और जो कछू तुमने देखौए और सुनौए बाय यूहन्‍ना कूं बताय देऊ कै अन्धे देखतएं, लंगड़े चल रये हैं और कोढ़ी सुद्ध है रये है। बहरे सुन पाय रये हैं और मुरदे जिलाए जाय रये हैं। और कंगालन कूं सुभ समाचार सुनांयौ जाय रयौ है।