Popular Bible Verses from Mak 6

Share

Mihma yʋmmak ash o̱, Hʋchishno banot filʋmmit haiaka oh ia cha, chekosi takla ka ma̱yʋt ho fohá, im achi tok; lauʋt ai ahanla ma, anonti ilhkohonli aiena hatuk o̱, peh ma̱ya cha impa kak kia impa he keyu chohmi tok.

Yohmi kia Chisʋs ash ot, Hopaii ʋt ik holitopo hosh ahanta keyu kia, amba ilap i̱ yakni ak inli, micha i̱ kanomi ʋhleha, mikmʋt in chuka‐chʋfa aiena takla ahantak mak bano chatuk oke.

Atuk o̱ Chisʋs ash ot ont kohcha cha, okla laua fehna ho̱ pisa mʋt, chukfʋlhpoba yosh apesʋchi iksho ho̱ itilaui hatuk o̱ i̱ nukha̱klo tok: mihmʋt himona nana ka lauachit im abʋchit isht ia tok.

Mihmʋt yʋmmak oka na‐fehna nana ka ik ai yʋmihcho ka hi ʋt ahni tok: amba hatak abeka kaniohmi kak illa ho̱ ibbak isht umbitepʋt hlakofichi tok. Mihmʋt okla na yimma he keyu kak oka, okokko! aiahni tok. Mihmʋt tʋmahushi taloha ka fullokʋchit a̱yʋt nan‐ithʋnanchi tok.

Mihma pʋska tahlapi, micha nʋni tuklo aiena kash o̱ ishi cha, ʋba pit chakalit aiokpʋchi mʋt, pʋska yash tushalichi cha, okla ha̱ in talohla chi̱ ho̱, nan im ai ithʋna ʋhleha hash o̱ ima tok: mihmʋt nʋni tuklo kash o̱ okla mominchit in tushtuli tok. Yohmi ma momʋt impʋt okla kaiya tok. Mihma boshulli ʋt nʋni pit aiena kʋt kishi auah‐tuklo ho̱ ishi tok.