Popular Bible Verses from Mak 5

Share

Mihma yʋmmak ash osh, Sʋso tek ma! na chi yimmi yak osh chi hlakofichi hoke; nuktaiyalʋt, micha ililli hatuk a̱ ai i̱ hlako̱fit ish a̱yashke, im achi tok.

Atuk o̱ ohoyo achʋfa hosh yʋmmʋt issish ont ia ʋbi tok a̱ afʋmmi auah tuklo; Yohmi hatuk o̱ alikchi la̱wa ka nan isht i̱ palʋmmi ai im a pisʋt, nana im a̱sha tuk ʋt moma kampilʋt tahli; yohmi kʋt achukma hi ʋt iksho, amba okpulo kʋt i̱ shaht ia bano tok.

Mihma issish a mitafa yash osh ashali̱ka shipa tok: mihma ililli yʋmmak atuk a̱ a hlakofi kʋt ilap haknip anu̱ka ak inli ka isht akostininchi tok.

Mihmʋt ohoyo himita yash ibbak a̱ ont halʋlli mʋt, Talihla kumi, im achi tok; yʋmmʋt toshowa kʋt, Ohoyo himita ma! taní, chim achi lishke, achi hoke.

Anumpuli kʋt isht anta moma na kaniohmi kʋt sinakak apesʋchi in chuka minti hosh ai ʋla mʋt, Chiso tek ʋt illishke; na katihmi ho̱ nan‐ithʋnanchi a̱ ish im ahchibali na himak a cho? achi tok. Chisʋs ʋt anumpa hʋt anumpa na haklo makinli hosh, sinakak apesʋchi ash o̱, Chi komunta ná; amba na chi yimmi kak illashke, im achi tok.

Yʋmmak ash ot, Shilombish okpulo chia hʋt hatak yʋmma ish a kohchashke, im achi ha tok. Mihmʋt i̱ ponaklot, Chi̱ hohchifo hʋt nanta hoh cho? achi tok. Mihma afalaminchi mʋt, Pi laua hoka, sa hohchifo hʋt Lechʋn oke, achi tok.