Popular Bible Verses from Luk 16

Share

Kʋna hosh nana kʋt moma ik a lauwo ho̱ aia̱hli achukma yatuk mʋt, nana kʋt ik aiaka kia aia̱hli achukma akinli chatuk; yohmikma kʋna hosh nana kʋt moma ik a lauwo ho̱ aia̱hli achukma atuk keyukmʋt, nana kʋt ik aiaka kia, aia̱hli achukma chatuk keyu akinli hoke.

Tishu yuka nana kia i̱ shahli tuklochit im antia he keyushke; achʋfalit i̱ nukkilli cha, achʋfa kamo holitobla hinla; keyukmʋt achʋfalit halanli cha, anonti achʋfa kamo a haksicha hinla hoke. Chihowa, micha mammon it aieninchit hʋsh im antia he keyushke, im achi tok.

Yohmi ka nan‐ai‐ʋlhpesa keyu mammon a̱ isht a hʋch ik aia̱hlo ke tuk ma, kʋta hak osh na holitopa a̱hli ya̱ hʋsh apesʋcha hi a̱ hʋchi tohna hinla cho? Micha inla yo̱ nana kʋt immi hatuk a̱ isht hʋch ik aia̱hlo ke tuk mʋno, kʋta hosh nana kʋt chimmi fehna ya̱ chima hi o̱?

Mihma yʋmmak ash ot, Moses, micha hopaii puta im anumpa ha̱ haklo keyukmʋt, illi tuk osh achʋfʋt tani mak o̱, yimma hi ʋt anukfoyuka he keyu hoke, im achi tok.

Kʋna hosh tekchi a̱ kanchi cha, inla itauwayakmʋt, haui toba hoke; mikma kʋna hosh i̱ hatak ʋt kanchi tok o̱ itauwaya hokmʋt, haui toba hoke, im achi tok.