Popular Bible Verses from Luk 17

Share

Mihmʋt yʋmmak ash o̱, Ish wakaya cha, ish iashke; a chi yimmika yak osh chi hlakofichi hoke, im achi tok.

Micha nitak achʋfa ka untuklo ha chi̱ yoshuba cha, anonti nitak achʋfa ka untuklo ha yo̱ filemʋt, Sa nukha̱kloshke, achi hokma, ish i̱ kashofa he mak oke.

Mihma yʋmmak ash ot achʋfʋt hlakofi kʋt ile pisa mʋt, falama cha, chitoli hosh anumpulit, Chihowa ha̱ holitoblichi tok. Mihmʋt yʋmmak ash iyi ituma yak o̱ hlipia cha, yak oke! ahnit aiokpʋchi tok: yohmi kʋt yʋmmʋt Samalatan hatak a tok.

Ahah! hʋsh il aiahnashke. Ish itibapishi hʋt chi̱ yoshuba hokma, im alʋmmit nana ish i̱ mihashke: yohmi na yʋmmak ash ot nukha̱klot ile kostininchi hokma, kashofit ish i̱ kanchashke.

Yohmi ma Chisʋs ash ot anumpuli mʋt, Pokoli hosh hlakofi tuk keyu? amba chakkali mʋto?

Mihma Chitokaka̱ yash osh, Na hʋchi yimmi kʋt mʋstʋt nihi achʋfa ka chohmi hosh hʋchi anukfo̱ka hokmʋt, bihi ʋpi ilʋppa hakshish fehna ai isht alobafʋt okhʋta hak o̱ ont ish a holokchashke, hʋsh im achikma, hʋchim antia hinla hoke.

Kʋna hosh ilap im ilhfiopak okchalinchi bʋnna hokʋto, kaiyancha he; mikma kʋna hosh im ilhfiopak a̱ ik i̱ hullo hokmʋt, okchalincha hi oke.

Yohmi mʋt nan im ai ithʋna ʋhleha ha̱sh o̱ ik kaniohmi hoh kia nana isht ai ibetʋbli okʋt iksho ka chi̱ keyu pulla hoke; yohmi kia kʋna ho̱ yʋmmʋt isht a tobakma, mihi yosh nan i̱ palʋmmi mak oke. Chipunta ilʋppa achʋfona ka ibetʋblichi hokmʋt, ilap ak o̱ ikunla ya̱ tʋli chito na botoli ak osh a takanli ho̱, okhʋta ha̱ pit okʋchi kak o̱, ʋlhpesa kʋt im i̱ shahli hoke.

Mikma Hatak Ushi i̱ nitak mʋt, Noah ʋt ahanta nitak a̱ a kaniohmi tok mak o̱, a chiyuhmi makinla hi oke. Okla impʋt, okla nan ishkot, ohoyo okla itauwayʋt, okla itauwaya hi ʋt im ʋlhpowʋchit aiasha tuk o̱, Noah ʋt peni chito a̱ pit chukowa nitak fehna ma, oka falama ʋt a̱ya cha, mominchit ʋbit taiyahli tok.