Popular Bible Verses from Luk 15

Share

Mihmʋt wakaya cha, i̱ki a̱ im ia tok; atuk osh auet hopaki pilla minti kak inli ho̱, i̱ki ash osh pit pisa mʋt, i̱ nukha̱klo cha, chʋfʋt iʋt, yʋmmak ash ikunla ont ʋbʋnaiyʋt i̱ su̱ksowa tok.

Sʋso ilʋppʋt illi tuk osh, falamʋt okcha̱ya hoke; kʋnia tuk osh haiaka hoke. Mihma na yukpʋt okla aiasha tok.

Yohmi ka yʋmmak inli ho̱ chohmit, Nan‐ashʋchi achʋfa hosh ile kostininchikma, ʋba ya̱ na yukpa a̱sha kʋt hatak ʋlhpesa pokoli chakkali akocha chakkali kʋt nan ile kostininchi yʋt ai im ahalaiya he keyu, yʋmmak oka i̱ shahla hi oke, hʋchim achi lishke.

Wakayʋt iʋt, a̱ki im ona lish, A̱ki ma! Chihowa im ashʋchit, mikmʋt chi tikba ya̱ a sai yoshuba tuk.

Mihma ushi ash ot, A̱ki ma! Chihowa im ashʋchit, mikmʋt chi tikba ya̱ a sai yoshohumba tuk; yohmi kʋt himak a pilla ma chiso sa hohchifa he si ahoba keyushke, im achi tok.

Hatak hʋsh katima kak osh chukfʋlhpoba tahlepa achʋfʋt im a̱sha tuk osh, achʋfʋt i̱ kʋnia hokmʋt, pokoli chakkali a kocha chakkali kash ot yakni haiaka ya̱ ma̱ya na issʋt, kʋnia tuk yʋmmak ash o̱ hoyot hikiki̱ʋt ahayuchik mak a hinla keyu̱?