Popular Bible Verses from Mateus 2

Share

Too iha nebaa, sira tama iha uma laran haree Labarik nee ho Nia inan Maria, i sira hakneak hodi adora Nia. Depois sira hasai sira nia prezenti karun teb-tebes, sira foo ba Labarik nee osan mean, ai been morin ho mina morin diak nian.

Jesus moris iha aldeia Belém iha provinsia Judeia. Iha tempu nebaa liurai Erodes mak ukun rai nee. Iha loron ida matenek nain balu nebee hatene siik sinal iha fitun, sira mai hosi rai dook, hosi parte lorosae. Too iha sidade Jerusalém, sira husu, “Ema Judeu sira nia liurai nebee foin moris nee iha nebee? Ami haree fitun ida iha parte lorosae nebee foo sinal dehan Nia moris ona. Tanba nee mak ami mai adora Nia.”

Rona tiha liurai nia liafuan, matenek nain sira nee komesa lao baa dadauk. Derepenti fitun nebee sira uluk haree iha lorosae nee, mosu fila fali iha sira nia oin. I sira lao tuir fitun nee too fitun nee para iha fatin nebee Labarik nee iha ba. Haree nunee, sira kontenti teb-tebes.

Liu tiha nee Maromak foo hanoin ba sira liu hosi mehi katak sira la bele fila fali ba Erodes. Entaun sira fila ba sira nia rain liu hosi dalan seluk. Bainhira matenek nain sira fila tiha, Nai Maromak nia anju mai hatudu aan ba José liu hosi mehi. Anju nee foo hatene dehan, “Hadeer ona! Lori Labarik nee ho Nia inan halai ba iha rai Ejitu, tanba Erodes buka hela Labarik nee atu oho Nia. Hela iha nebaa too hau foo hatene fali ba o katak imi bele fila.”