Popular Bible Verses from Mateus 3

Share

Importante mak imi tenki muda imi nia hahalok hodi hatudu katak imi husik duni imi nia sala.

Depois lian ida hosi lalehan hatete, “Ida nee mak Hau nia Oan Doben. Nia halo Hau nia laran haksolok teb-tebes.”

Sarani tiha hotu Jesus sai kedas hosi mota nee. Derepenti lalehan nakloke, i Nia haree Maromak nia Espiritu hanesan manu pombu tuun ba iha Nia.

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Maromak hanesan toos nain nebee kaer hela baliu atu tesi ona ai huun too abut. Ai huun hotu-hotu nebee la foo fuan diak, Nia sei tesi tiha hodi soe ba ahi laran.

Uluk liu Maromak nia profeta Isaias hakerek ona kona ba João dehan, “Iha ema ida foo sai ho lian makaas iha rai fuik maran dehan, ‘Imi tenki hadia dalan para simu ita nia Nai. Halo loos tiha dalan para Nia hodi lao.’ ”