Popular Bible Verses from लुका 3

Share

याबे जम्‍मे मन्‍सावाह बप्‍तिस्‍मा लेसकले पर येसुजि फेनि बप्‍तिस्‍मा लेलसि। जब हुने परथाना करइ रहलसि, तखनहिँ स्‍वरग खोलेलइ, हसे पवितर-आत्‍मा घुटुरिक रुपमा येसुजिक वपरा परलसि हसे स्‍वरगसे यसनुक स्‍वर यलइ, “तुइ मोर सोगावल पुतर हखहि, तोरसे मुइ गहनि खुसि बडहिँ।”

तब युहन्‍ना जम्‍मे जनके कहलिय, “मुइ त तोहराके पनियामा बप्‍तिस्‍मा देसहिँ। बाकि मोरसे महान एक जन यइतहि बडसि। मुइ त हुनेक चप्‍पलवाक फिता फोवेके लाइक हइने बडहिँ। हुने तोहराके पवितर-आत्‍मा हसे यागिसे बप्‍तिस्‍मा देबसि।

तोहरा यापन पपवाह मानके परमेस्‍वरवरि सदियो यापन मनवा घुमोले बडह जउँ, वसने जिन्‍गि बितोइह। हमरा ‘अब्राहमक सन्‍तान’ कहके झिन कहिह, केहकेकि मुइ तोहराके कहइ बडहिँ, परमेस्‍वर इअ पत्‍थरावासे फेनि अब्राहमक तहिँया सन्‍तान बनावे सकबसि।

हेरह, यखनहिँ गछवाक जरियामा टङिया परिसकल बडइ। उहेसे जुन गछवा डउल फर नाहिँ फरतइ, उअ जम्‍मे गछवानिके काटके यगियामा फकेतइ।”

जसने यसइया अगमवक्‍तावा युहन्‍नाक बारेमा कहले बडसि, “उराठ-ठउरियासे कुनहुँ एक जन जबड स्‍वर निकडाके यसके कहइ बडिय, ‘प्रभुक तहिँया पइडा तयार पारह, हुनेक पइडावाह सोझ बनोह। जम्‍मे खोल्‍सा-खोल्‍सि पुरेतइ, पहाड हसे परवत सम बनेतइ। टेड पइडा सोझ हसे गारह पइडा उसार हतइ, हसे जम्‍मे मन्‍सावाह परमेस्‍वरक मुक्‍ति देखतइ’।”