Popular Bible Verses from Mateo 23

Share

Onɛ an kpɛɛm ya san'an li sʋ'ʋm ye o aan ya tʋmtʋm.

Ka onɛ dʋ'ʋs o mɛŋ, Wina'am na sigis o. Ka onɛ sigis o mɛŋ Wina'am na dʋ'ʋs o.

“Gbauŋmi'idib nɛ Farisii dim, banɛ an zam dima. Ya pʋdigidi ya zɛnma'asa nɛ nyiri nɛ nanzʋ'ʋs zin'is piiga, ka yisid yinne tisid Wina'am, amaa ka lɛɛ bas yɛlbanɛ kpi'em wada la pʋʋgin niŋir; ka linɛ an sida nɛ nimbaanlzɔɔr nɛ yadda niŋir la. Li an sʋ'ʋm ka ya maalin yɛlbama wʋsa ka da yis siebaa basɛ.

“Gbauŋmi'idib nɛ Farisii dim banɛ an zam dima, ya na paam tɔɔg. Ya piesidi ya laas nɛ bʋtiis nya'aŋ ka ba an nyain, ka ba pʋʋgin la pɛ'ɛl nɛ filʋŋ nɛ fufum tʋʋma.

“Jerusalem dima, Jerusalem dima, banɛ kʋʋd Wina'am nɔdi'esidib ka lɔbid banɛ ka Wina'am tʋmi ba la nɛ kuga, nɔɔr babiga ka m bɔɔd ye m la'asi ya nwɛnɛ nɔnya'aŋi la'asid o biis o kpʋkpama ni si'em la, ka ya pʋ siakida.

Ya anɛ ala mɛn. Ya kɛt ka nidib tɛn'ɛsid ye ya anɛ ninsʋma ka ya pʋʋgin pɛ'ɛl nɛ zam nɛ tʋʋmbɛ'ɛd.