Popular Bible Verses from Mateo 26

Share

Jwajla'a paka woyeyi, ká amayets'iji'n ja 'nakayeyijna'a ti ja ke injlana'ni ni inkajejlasaye. Ts'ajane pi awone ti jlajlasa ka awoyeyi niwa yamtis, ijiatjliyi je sikiwita siunie asosik jiwonayi ti 'es, 'yina 'nakayi jla'am niwa 'asjwes iyoyi, ti je jitiuma'yi ilia'm naka ti sikiwit'ase'm.

Sekyi'i ti iyo'ne 'ate: —Je jiwekie'e siu'nie ti alate ti yik'i. Si'wena ti je ama'a, 'nak 'wanjliye'yi kiu', ká amayets'iji'n pet.

Yama wat ts'iji t'akosayi wek seka'a, jitiokiots'i 'yitayi ajnat'e ti inip'elisini pa Sinia', ti iyo'ate: —Inia', ka poye pi jikiecha paka iniwone, sijwajiete siu'nie yat ti pajyi, 'naka 'nak iliaye jawo ti jats'a'al. 'Yina 'esiji ka ama'a'm ti jantaj'la, je 'esiji ka yama ka intalk'i.

'Nak i'yoyis ti tisa'ni ti ja 'lojwa napo ja'maniti'n, janetiajnat ni jike' iyo. Naka ti 'yakajanit siu'nie iyo ni Inia' ti jlam je iyoyi.

Ti ti'yekiunieje'n, Jesús isimayi jakia woye, sekyi'i ti jinikanitieyi iwinayi pi Jinia'. Itime ti its'isajaja'n, iwinak'i japo t'eyasajnas, ti iyone 'ate: —Siu'nie towa, 'nak 'yajwes.

Paj ti isimayi'ijyi jlaja inat jikie' ti at'es yiji, jinikanitieyi iwinayi pi Jinia', sekyi'i ti iwinak'i japo t'eyasajnas ti iyo'ne 'ate: —'Yayejyi, nitejwayi'ina'a.

Itime ti yapilieyi siojo yi'i japo t'eyasajnas, yiyi ape'e ti mawat je t'ok'iji'n. Iyone'ne 'ate ja Pedro: —¿Ka jwajla'ajat'i wat paka woyeyi, ka je amayets'iji'n kiu wata'a, kawo'ate ti já ama'a ya'am?

'Yina jajwi'lase'm ti ja ke poye japa ka jlomaye ka yikiajle'e ka isijwa'nase ka 'yaki ni at'es, ijiatjliyijna'a jla'am ka iwiektana'a ts'iji yi'i ni Inia' ti iyo anechiyasa', jiwekie'ejana'aja ka isijwa'nase ti ja'yaki ni at'es ni ink'ie'.

Sekyi'i ti Pedro jiwekie'eja ti jitiej wujk'i siojo iyo ja Jesús, ti iyo'ate, “Ka majleyetajna'a ka inap ni ajwenta, ja najapajayiji ka nikakiu'ni ti jajwel ka je intant'iek'i.” Pedro sekyi'i ti yama ti tal seka'a, yap kajeyepa a'tieje pi iyo.

Neyets'i pijia'm, naja'ni. 'Nes ni siunie i'nio' ti ja siwe'en.

'Yina Jesús iyone'ne 'ate jaka: —¡Ekialk'i ni atesajnat jana jiwe! Siunie 'yakawisa'n ni jitisajnat, nak ja sijnat ja tikienaja pet.