Popular Bible Verses from Mateo 25

Share

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Kajeyepa ti siunie po' ni yiyi, ja tiwomaja ni i'wi'in, jak je iyoyiji ti ja 'etsakaja siunie jan'we'en. Jlampet siunie ti lajk'ipa kan'we'en, ja talaja'aja pet siunie jwajla'a ti yitaja pet.

Jesús yine'ne ape'e ti tamti ti iyo'ate: —It'imina ti kiak jayo'nase, ká anikiwalinitie, 'yina ti je 'najanayi siojopa jika jlomaye, tiwet'ianaja ka japakataja wek japa inetitinki ka 'najanayi paka wonayi.

'Yina siuti kia'awopi ti sinil'lia, asampe ti sakojniena. Siuti kia'iyo sikimpe, asampe ti i'niat jiwenak'i'm. Siuti i'wit je 'ejts'i kia'iyojliyi, asampe ti i'wit jilisana'yi.

“Iyo'ne 'ate pa anechiyas ti isiujlie, “Ijiate wat ti 'es ti kia'iyo, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni siunie jwajla'a, jayikiaj'la'm ni siunie ti ijiate ti 'etsaka ti ja'yena. Maj 'oyi ni siunie yi'i ni inlakijnieye, ti awo iliakijnieyeja', janikanitiejk'i wita'm”.

Ti lajk'ipa ka 'yuts'i, asampe'eje ti jiwoye i'yuye. Siuti je ts'es, asampe'eje ti ji'yenak'i. Ti a' insat jiweje kia'iyojliyi, asampe'eje ti jit'iuyek'i”.