Popular Bible Verses from LUG 6

Share

Hã we fẽẽre maga jar lan wo de sãy ɓe ti ne hara, ni Baa hã yaŋ ne nday lay. Baa lag ge fẽẽre ma de ngaɓ ge ti mundoore de el de jeb ge go de baa ge fẽẽfẽẽ yaŋ ne nday ɓi ndar õõbe ɓay ma kluurin wo no. Baa ngaɓ ge fen maga á hãn ge ne nday yaŋ de mundoore maga nday ngaɓ ne jar lan wo de ɓe mo lay.

Je ma de el naa nen go joŋ joŋre ma de el werga ɓil ɓe de ele. Je ma de ɓlagge naa nen go joŋ joŋre ma de ɓlagge werga ɓil ɓe de ɓlagge. Jag wosela wãã go diŋ fen maga le go de baa ɓil ɓe mono.

Ɗawa ɓen da we jar hee ɓay wo, joŋ ra we de el de ele, nday taɗ ɓèere we ne jar mokay, ni nday mo ɗig ga á fern ge wo yaŋ le we wa so, ni nday daʼ poɗge yaŋ ge debaŋ, nday kol ge go diŋ weere Baa ma ciŋ no, werga á joŋ jar ma debaycõõren wo de ma de ɓlaggen wo ɓuy de ele.

Ko we de coo jar doo ga Pan ɓay ma ciŋ ko decoo jar no lay no.

Ko we see ɓay diŋ jar cag re jar lan wo wa, ni Baa cag ge re ɓay ga lay, ɓoɗ we re ne jar po wo ti wa, ni Baa ɓoʼ ge re we ti ga no lay, men we ɗig re ɓlagge go ne jar lan wo ti, ni Baa men ɗig re ɓlagge ɓay yaŋ wo go ne nday ti lay.

Ndi de riŋ nday jar coʼ sug wããre ɓi no, da we jar hee ɓay wo, joŋ we jar maga car wo hee de ɓay de ele. Jar faɗ nday we ni nday joŋ ɓay diŋ bosaʼa, tos we ti jar joŋ bon ɓay wo.

Joŋre maga nday da ga jar mo joŋ wo ne nday mo ɓuy no, joŋ we ne hara doo sen no degaʼ lay.

Jobo maʼ ndo we haw no, mbuɗ ɓaŋ lan ne hẽn pa, jobo hoo õõbe ɓo ma kluu we de waŋ mo, men semis ɓon go hẽn pa. Wosela ɓuy á we wii mopo doo ɓo hã mo sen ne hẽne, jobo hoo fen ɓo we de waŋ no, men mbo wo go, fer yãã ge ɓe wa so.

Koo ma de el leʼ de ɓlagge ga, koo ma de cege leʼ de el ga lay.

Á ko koo mayla ɓuy ga á bay ɗag diŋ se leʼge ɓe. Koore ma de hõõre leɗ wo mbèere gum ti ɓaara ni lay ga : mborgway leɗ wo mbèere tlalum ti ɓaara ni lay ga lay.