Popular Bible Verses from LUG 5

Share

Á wo taw wããren go mokay, á raw riŋ Simoŋ ga : Yaʼ daagen wo nen tuu bii no, lag we bày ɓay wo nen bii bag cẽẽ so.

Simoŋ raw fer wããre ne hẽn ga : Waŋ wùr nà ti joŋre sen nà ge poɗag wùr daʼ mopo ga has ɓuy. Ama wer wããre ɓo maga ndo wii ga ndi mo joŋ no mono, ndi lag bày wo yaŋ nen bii. Á raw wo lag bàyn nen bii, bàyn raw wo bag cẽẽ ma kluuri wo debaŋ, hãã bàyn leʼ wo go ngar ge.

Blam sen Yeso kal rawge wo go ti ngel maga jar bay go ni wa, kal hay ge wo go tos ge ni.

Baa ɓoʼ me le ɗe ge bay diŋ jar maga á de hoo sug ti ɓaara ga á wo de deele mo wa, ama ndi á ɗe ge diŋ jar maga á bay kee rage jag wa mono, maga á mo coo wo ɗiggi ɓaara ma de ɓlaggen de deele tigriŋ.

Simoŋ Piyer wo ko ge no mokay, á raw laa kõyõgre gesiŋ pel Yeso, raw riŋgi ɓe ga : Waŋkluu, yaʼ ɓo see ɓo wo go see ɓi hãã, werga ndi diŋ je ɓlagge.

Yeso raw fer wããre ne hara ga : Jar maga bay wo de cegè wa, bay wo de sãy dogtor ti wa, de sãy dogtor ti diŋ jar ma de cege wo ra.

Á raw wo kog daage ɓaaran le go ciŋ, raw wo men fẽẽre ɓaaran go ni ɓuy maŋ wo blam Yeso.

Yeso wo day ge ɓi leege po, ko la jobo raw age le, cíi go de carge ɓe se ɓuy. Á kal ko Yeso, raw maʼ pel ɓe gesiŋ raw wiigi ɓe ga : Waŋ, hayga ndo da we, ndo kãã ma fãã me yaŋ go. Yeso raw coŋ doo ɓe wo, raw duʼ gi ɓe, kal riŋ gi ɓe ga : Ndi da we, fãã go so. Ni tuuseŋ bloon raw fããge go.

Mbe de sen ɓuy wããre Yeso yaʼ wer dus gi wo go daŋ ge pa so yaw. Jar raw wo tayge le see ɓe ngaɓa debaŋ laa wããre ɓen maga á mo peɗ saara go lay.