Popular Bible Verses from LUG 4

Share

Nenterse Waŋkluu yaŋ de ɗaw mege doo ɓe. Á maŋ me go ma sii Wããre ma de Cõõren ne jar coo wo ra, Á ɓoʼ me le sii wããre ne jar ma ti daŋgay wo ga à bud ra we go maga á mo fer wo liŋ, Car nen jar rẽwre wo go, Bud jar go jag gebeere, siigi ne jar ga kiŋgi maga Baa Waŋkluu hay riŋ ga se a yaŋ yãã jar ɓen wo go baa jag we go so.

Yeso raw fer wããre ne hẽn ga : á go de yerge ga : Ndo mo leɗ monɗra gesiŋ goŋ ge diŋ Baa Waŋkluu, ndo mo tos diŋ se boŋ.

Yeso raw fer wããre ne hẽn ga : á go de yerge ga Je tabay joŋ tenen caw diŋ wer hoole tawa gà.

Nenterse ma bay ɗag raw baa ɓil Yeso go mbaŋ mbaŋ, á le Jurdẽẽ ni, á raw ferge le, Nenterse kal rawge de ɓe wo ti puuli.

Yeso raw riŋgi ɓe ga : Á go de wãã ge ɓe ga : Jobo mo jãɗ Baa Waŋkluu wa.

Manhúulí wo taw wer jãɗgen go ɓuy mokay, á raw men ge ɓe ni no maʼ ɗa pa.

Manhúulí raw ɗii gi de ɓe ciŋ, raw kaŋ nen ɓe ti waŋre ma ti tamsir wo la ɓuy, raw riŋgi ɓe ga : Waŋre sen wo de egre ɓaaran de horogre ɓaaran wo mo deŋ, ndi Manhúulí, ndi hã ra ne ndo, á hay de hã rage me, day ndi hãn ge ne wosela maga ndi da hãge ɓe hẽne. Wersen hayga ndo leʼ monɗra we me pel, ni á kol ge wo diŋ ma ɓo ɓuy. Yeso raw fer wããre ne hẽn ga : á go de yerge ga : Ndo mo leɗ monɗra gesiŋ goŋ ge diŋ Baa Waŋkluu, ndo mo tos diŋ se boŋ.

Manhúulí kal raw ge de ɓe Jerusalem, raw oo ge ɓe ti tipẽẽge tiŋ Baa, raw riŋgi ɓe ga : Hayga ndo yaŋ diŋ wel Baa, leʼ le gesiŋ. Werga á go de yerge ga : Á riŋ gi jar peele ɓen wo yaŋ ti ɓo ga á mo koɗ wo ndo. Á go de yerge ɓe pa ga : Á cegawn wo ndo yaŋ doo ɓaara maga ɓaale ɓo mo maʼ ti húulì wa. Yeso raw riŋgi ɓe ga : Á go de wãã ge ɓe ga : Jobo mo jãɗ Baa Waŋkluu wa.