Popular Bible Verses from JAŊ 17

Share

Kol ra go jar ma ɓo de wããre ɓo ma cwãy no, wããre ɓon ti cwãy ɓe.

Ndi mo kol ra go tenen tiʼ tum, say ni á mo ko wo ndo go ga ndo diŋ Baa ma cwãy no, mo ko wo ndi, ndi Yeso Kris maga ndo ɓoʼ me le mo lay.

Ndi bay wii mo ge diŋ ti ɓaara tawa wa, ama ti jar maga hã ge wo see ɓaara ne ndi wer wããre maga á siin wo go mo lay. Ndi wii mo ga á mo tay wo go ɓuy boŋ. Pããbe, á mo hay wo de tayge see naa doo ga ndo diŋ ndi tuu, ndi diŋ ndo tuu no lay no. Daga á mo tay wo go boŋ maga jar ma ti tamsir mo ko wo ga ndo ɓoʼ me le.

Ndi bay wii mo ge ga ndo mo hoo ra le go yoo jar ma ti tamsirn wo wa, ama maga ndo mo koɗ ra doo Je ma de Ɓlagge no.

Ndi grag ra we de woore ɓo maga ndo hay grag me de ɓe we, maga á mo hay wo go boŋ doo ga naa de kããra naa go boŋ no lay. Ndi go de tayge see ɓaara boŋ doo ga ndo diŋ ndi, ndi diŋ ndo no lay, á mo hay wo go de tayge pah boŋ maga jar ma ti tamsirn mo fer wo koge ga ndo ɓoʼ me le, day ndo de da rage doo ga ndo de da me no lay no.