Popular Bible Verses from JAŊ 16

Share

Ndi sii sen ne nday mo ɓuy kay, maga nday mo hay de tayge see ɓi jam. Jar ma ti tamsir la joŋ wo coo ɓay yaŋ, ama lag we ngiŋ. Ndi go de joŋ blum jar ma ti tamsir wo no.

Wur maga Nenterse ma wãã cwãyn a ge we no, á wo ge yaŋ de ɓay ko re ma cwãyn ɓuy. Á wãã ge ne nday diŋ wããre ma de ti ngel see ɓe gà ama á wãã ge ne nday diŋ wããre maga á hay laa ne, á sii gi ne nday diŋ re maga a ge wo wurpo.

Hãã bo patala nday bay de wii mopo de ɗúu ɓi wa ɗa hase, wiɗ we, ni nday daɗ yaŋ, wersen ni ɓil ɓay joŋ yaŋ go feh debaŋ so.

Patala ndi riŋ we kidolgi, daga ndi mo raw, sen diŋ ma woo we ge, werga hayga ndi raw we gà no, je ma kay we ge a ge see ɓay gà. Ama hayga ndi raw we no, ndi raw ɓoʼ ge ɓe ge le ne nday so. Á wo we a ge so no, á raw yaŋ kaŋ nen jar ma ti tamsir wo go ko ɓlagge ɓaara no, ko re ma de deele, ko wo re maga Baa cag ne ge mo lay.

Nday de ngaɓge doo wãy no lay, patala nday de law see ɓay, ama ma ɓi, ndi fer ge yaŋ le ko we ge, nday joŋ ge fruygi yaŋ, jobo kãã ma dig fruygi ɓay ge go gà hase. Wur sen wo ge a ge mokay, nday wii mege ti mopo gà so hase. Kidolgi ndi riŋ we ga Pããben hã ge fẽẽre maga nday wiɗ ne ge de ɗúu ɓi mo ɓuy yaŋ ne nday.

Kidolgi ndi riŋ we ga nday raa ge yaŋ, nday ndum gi yaŋ, ama jar ma ti tamsir la joŋ wo fruygi yaŋ, nday kol yaŋ law see ɓay, ama law ge see ɓay kol yaŋ go diŋ fruygi.