Popular Bible Verses from JAŊ 15

Share

Ndi diŋ tlalum no, nday diŋ doo ɓi lay. Wosela maga yaŋ de tayge de ɓi, day ndi de tayge de ɓe lay no, joŋ mopo yaŋ debaŋ. Nday tay we de ɓi gà nday kãã ma joŋ mopo gà.

Tay we de ɓi doo maga ndi de tayge de ɓay no lay no. Doo koo bay we de tayge de koo ɓe ma ɓuy wa kãã ma leʼge gà lay. Hayga nday tay we de ɓi gà no, ni nday kãã ma joŋ mopo gà lay.

Hayga nday lag we de tayge de ɓi, day wããre ɓin joŋ we ɓil ɓay lay no, ni nday wii we fen maga nday de sãy ɓe ti, ni nday daʼ ne yaŋ.

Nday maŋ ndi go diŋ nday gà ama ndi hoo we le go diŋ ndi, ndi laa we wo ga nday mo see joŋ joŋre ma de ele, á mo hay ko joŋre ɓayn tum. Wersen Pããben hã ge fẽẽre maga nday wii ne ge de ɗúu ɓi mo ɓuy yaŋ ne nday.

Dage po daŋ maga jobo tob see ɓe go ti re bar ɓen wo mo gà so.

Á car doo ɓe maapo maga bay wo leɗ ge wa go, led nen doo maapo yaŋ wo ga á mo leɗ wo, mo hay wo ti ngel ɓe de woore, mo leɗ wo debaŋ debaŋe.

Wããre ɓi maga ndi bag ne nday diŋ ga nday mo da we kããra doo ga ndi da we no lay.

Hayga nday leɗ we debaŋ no, ɗúu Pan ɓi raw rage so, nday raw naa nen go diŋ jar ɓi ma wer ɓi lay.

Ndi diŋ doo tlalum cwãy no, Pan ɓi diŋ je jeege ɓen lay.

Wosela maga day we tayge de ɓi gà no, go de ɓoʼge siigi doo jag doo kooren wo nono, á hig wo go, à hoo ra, à lag ra go ti wùu, saara roɗ go.

Ndi wãã sen ne nday, maga ɓil ɓay mo hay go ti ɓi fehe, nen maga ɓil ɓay mo hay go ti kããra fehe debaŋ.

Hayga nday yaŋ yãã jag wããre ɓin wo no, ni nday lag yaŋ da kããra doo ga ndi yãã jag wããre Pan ɓi, day ndi raw da jar doo ga á da jar no lay no.

Wããre maga ndi de wãã ge ɓe ne nday mokay diŋ ga nday mo da kããra mono.

Hayga nday mo hay we diŋ jar ma ti tamsir la, jar ma ti tamsir la de hay wo yaŋ da we ge, werga nday diŋ jar ɓaara. Ama ndi hoo we le go yoo jar ma ti tamsir wo, nday bay ma jar ma ti tamsirn wo wa so, diŋ wersen jar ma ti tamsir la raw wo caa hee de ɓay mono.