Popular Bible Verses from Luk 7

Share

Sena si lera nvr anh, ti ntlev'la sera si stuan la inelnal istudau ha, sena ti hin ilap'as a Kana istudau. V'eti ipavr ti p'elev'la si stua m'ertu ipasusupa, hin ipalap'as a Kana ipasusupa uaki.” Sarei, ivr a tav'et kavr ti a, “Ntlev'la sera si stuam udlani.”

Laha, ivr a tav'et lahara kavr ti a, “V'ahienam itlev'la sarah arna si stuam. Pav'el arna tamat.”

Kap'tir a tahn kavalau, ui m'aten irarev' arna tln kasilei. Laha, iva tln a nil ptn kasmi kasran ueil aranan.

Sena si lera nv'ah ti naviviln a ti p'ama asnm, v'eti ipavr ti Nakm pavr v'nen uaki, dui na m'akarienak ipama kap'as ml. Sena ti kana nv'i dui nlak a nv' mlin uraur, m'rnur kinkin avlak a nv' nut huak. Ipavr ti p'evr a dui ipamk kavr ti a, ‘Pav'el,’ v'eti hin ikv'el pr. Kavr a dui uraur, kavr ti a, ‘Pama,’ hin ikama pr. Kavr a dui na m'akarienak kavr ti a, ‘Pan si lera,’ hin ikani pr.” Naran a Iesu irn v'nen lera itah ani kap'atalu anr m'ertu udlani avsapei kavr ti a, “Nvr a kam'i, Kana napasla m'ertu iamk v'ahienan ilil inap'ei aulera, nala ki iamk asnr m'ertu a Isrel.”

Arna naran nen a Iesu imhmah a m'ertu istudau arna m'etienar m'a si udlani ianr, kasran m'im'iln stu kani ti m'ertu istudau avv'i m'etapis avledu sei ml. Laha, a Iesu ivrpranr kavr ti a, “Parhau karvr an a Sun si udlani ktrlei katrrn sarei. M'etapis avla sei ml, m'ertu tlr istu avv'eldau ml, m'ertu lep'ersi iuar, p'akr ima kap'as ml, m'ertu drlnar iprs avrn sei ml, m'ertu atvram'a sarei avsilv' ml, m'ertu siar ihei atvrp'ep'a sera v'nen p'as anr.