Popular Bible Verses from Luk 8

Share

V'eti nki irs arna nadep' p'as, avv'i m'ertu nlr ip'as kavviviln, kavrn v'nen pas kavuadei, kavtu navar, kavhua arna v'ahienar.

V'eti nki irs a nut makau lun iak iter, avv'i m'ertu avrn v'nen p'as kavsapa navanelar, dav'a der, nav'et m'a si p'as arna silv'ienar itukarr, kani ti navar iahma katarep'.

Nki arna nav'et avv'i m'ertu avrn v'nen p'as kavrn ip'as ani, v'eti uarr ihei. Avv'ahi iap'arei, v'eti naran si kinkin iendinar avrars.

Laha, ivr anr kavr ti a, “?Inap'i hin kaavv'ah Kana?” Laha, avdedrn kavtah ani kavvrvr a hir kavvr ti a, “?Aulera iv'i Dui inap'i? Sena ti iv'ana m'a nalen m'a nauei, arsapa v'nenan.”

Nki a p'ak navanel avv'i m'ertu avrn v'nen p'as. Sarei, a Sitan ima kalev'la v'nen p'as a nlr, imahei ti apavv'ahi dav'a ti Atua ipalev'lar arna si stuar.

Sena ti si udlani atutuani, nelnal apavrndaui, si udlani itutuah ipater arna nut m'auar.

Naran tav'et lera ila ti ikatutuah ml, ivrdedrn kadama kasisihpu kaiaul asnn, kavrp'ep'ei arna nah nelnal nut iari kadama kap'as ilahml inap'ei. Laha, ivr ani, kavr ti a, “Vnpak, parn ipap'as, v'ahien p'asam iani kp'as ml. Pahau arna tamat.”

Laha, avrama asnn kavsp'ei kavvr ti a, “Mlin, Mlin, p'vmln ra.” Laha, ithal kav'ana hua m'a nalen m'a nahu na naui lil. Sarei, nahu na naui lil irs, nut itamat udlani.