Popular Bible Verses from Luk 6

Share

Pavtu sei anr m'ertu uraur, dav'a Atua ipatu sei a kam'i. Laha, apani natenam'i ipalini, kanen mamahi, kadul ani a ti ipalini dav'a dav'a karsrs aut. Sena ti nut kvtina m'ertu uraur inap'ei, Atua ipatina kam'i ipanap'i lera.”

M'ertu p'as la v'ahienan ilini a si p'as ha, ipan si p'as, v'eti m'ertu stu la v'ahienan ilini a si stu ha, ipan pari stu. Sena ti m'ertu ivrp'ep'a si udlani v'ahienan ilini ani.

V'eti kam'i pavlap'as a m'ertu avlep'la kam'i, kavan si p'as, kavtu sei a m'ertu, v'eti mavv'ah ti pavlev' m'lnen ml. Inap'i lera ulienam'i ipalil, pavv'i a natn a Mlin Eia dau. Sena ti Hin ien si p'as a m'ertu ahavvr ip'as ani, m'er m'ertu stu.

Sena si lera pavrn istu a m'ertu uraur ipanap'ei a Tetiam'i la irn istu a m'ertu nakl ha.

Mavv'ana hua m'a m'ertu, a ti Atua imav'ana hua m'a kam'i. Mavv'ana hua m'a m'ertu kavvr ti ien si stu, a ti Atua imav'ana hua m'a kam'i kavr ti kvan si stu. Pavmhmah a m'ertu uraur sena si stu avan a kam'i, a ti Atua ipamhmah a kam'i sena si stuam'i.

V'eti Kana nvr a kam'i la kvrn v'nenak ha, kavr ti a, Pavlap'as a m'ertu avmlen kam'i kavan si p'as anr m'ertu avlep'la kam'i. Pavmhmah a m'ertu avvr v'nen stu a kam'i, kavtu tamat sena m'ertu avanp'ilen kam'i.

Si udlani kvrn ti m'ertu uraur apavani a kam'i, kam'i pavan anr ipanap'i lera.

Ipavr ti m'ertu kinkin ipusah arna pla nham, pav'hlp'lah ipusa tv'eliel, v'aha ipavr ti m'ertu kinkin ipauala sat na m'lam, pam'ahu a ti ipaua satam aranan ml. M'ertu udlani ikra sei asnm, patau ani, v'aha ipavr ti m'ertu kinkin ipauala siam kinkin, mamimani ml.

Sena ti nai p'as ikatu navan ikstu, v'aha nai stu ikatu navan ikp'as.

Sena ti aparndu nai udlani arna navan. Sena ti akasva nava nap'ak arna makau lun iak, v'aha akasva krep arna hrhrid.