Popular Bible Verses from Yowana 15

Share

“Ni anye omujabhiibhu, emwe muri masagi. Omuunu unu kaabha mu-mutima gwani, anye noone nimba mu-mutima gwaye, uyo kaatwasha amatwasho maafu, kwa okubha nikasiga okubhasakira, emwe mutakutura okukora engʼana ryoneryone.

Mwikare mu-mutima gwani, anye noone niikare mu-mitima gyemwe. Rwa kutyo riisagi ritakutura okutwasha amatwasho riri eryene era, ritari kw-isina rya omujabhiibhu, nikwo kutyokutyo mwone, muteekaaye mu-mutima gwani, mutakutura okutwasha amatwasho.

Emwe mukeekara mu-mutima gwani, na amangʼana gaani ngeekara mu-mitima gyemwe, musabhe engʼana ryoneryone rinu omwenda, omuyaanwa.

Emwe ꞉mutaansorere, nawe ni anye ꞉naabhasorere. ꞉Naabhasorere insonga mutwashe amatwasho, na amatwasho gayo gasige okuweesha, insonga mukasabha Raata ryoneryone kw-isiina ryani abhayaane.

Atariwo omuunu unu ari na obhwendi bhunene okukira bhunu, obhwa omuunu okusoosha obhurame bhwaye ku-nsonga ya abhasaani bhaaye.

Amasagi goone kutyo ganu gandiko ganu gatakutwasha, Raata kaagatema-ko. Nawe amasagi goone kutyo ganu agatwasha, Raata kaagakongorera insonga gatwashe muno.

Ekiraagiro kyani ni kinu, mwendane, rwa kutyo anye nibheendere.

Raabhe mukatwasha amatwasho maafu, omubha muri bheeyigira bhaani abheenebheene, na mukabha kutyo Raata kaagungibhwa.

Yeesu ˆnaagenderera okubheeyigisha ati, “Ni anye omujabhiibhu ogwenegwene, na Raata niwe omurimi.

Omuunu woonewoone akarema okumba-ko, keeswa rwa riisagi ˆnaawotoka. Abhaanu abhaaja mbaribhooja, mbaryesa mu-muriro, ndiruungura.

“Naabhabhwira gayo insonga obhujomerwa bhwani bhubhe mw-imwe, na obhujomerwa bhwemwe bhukuumire.

Mukagwatira ebhiraagiro bhyani, omuuja okugenderera okwikara mu-bhwendi bhwani, rwa kutyo anye ꞉naagwatiiye ebhiraagiro bhya Raata niikara mu-bhwendi bhwaye.

Mmbe, enibharagirira emwe ati mwendane.”

Raabhe mukabheeye bhaanu bha mu-kyaro kinu, bhakabheendere rwa kutyo bheendere abhaanu bheebhwe. Nawe emwe mutari bha mu-kyaro kinu, tari ꞉naabhasorere okusooka mu-kyaro kinu, ku-nsonga iyo, abhaanu bha mu-kyaro kinu abhabhabhiiyirirwa.